Madridning "Real" jamoasi "Santyago Bernabeu" stadioni nomini o'zgartirish masalasini ko'rib chiqmoqda. Bu haqda Sport.es nashrida xabar berildi. Nashr ma'lumotlariga ko'ra, sport inshootining nomi "Bernabeu"ga qisqartirilishi mumkin. Bunda afsonaviy futbolchi, murabbiy va Ispaniya jamoasi prezidenti bo'lgan Santyago Bernabeuga tegishli qism olib tashlanadi. Bunday qadam stadion nomini yodda saqlashni osonlashtiradi, bu esa muxlislar sonining ko'payishiga va brend moliyaviy rivojlanishiga olib keladi. Biroq, klub a'zolari va muxlislarning bir qismi bunday qisqartirishga qarshi chiqmoqda.
Eslatib o'tamiz, 2019 yilda "oq kiyimlilar" stadionining qayta qurish ishlari boshlangan bo'lib, bunga 1,3 milliard evrodan ortiq mablag' sarflangan. Yangilangan stadion 85 454 tomoshabinni sig'dira oladi.
