"Реал" "Ливерпуль" юлдузини нишонга олди

"Ливерпуль" ҳимоячиси Трент Александер-Арнольд "Реал"га ўтиши мумкин.

Sport.es хабарига кўра, Мадрид клуби англиялик ҳимоячига жиддий қизиқиш билдирмоқда. Қайд этилишича, "Реал" аллақачон 25 ёшли футболчи билан музокараларни бошлаб юборган ва унга "Ливерпуль" билан шартномаси 2025 йилда тугагунча кутишини билдириб, эркин агент сифатида Мадридга ўтишни таклиф қилган.

Шу билан бирга, "Ливерпуль" футболчини сақлаб қолиш ва унга янги битим таклиф қилиш ниятида. "Қизиллар"нинг янги бош мураббийи Арне Слот ҳимоячи билан музокаралар олиб бориб, уни шартномасини узайтиришга кўндиришга уриниб кўрди.

"Реал" Арнольдни Даниэль Карвахаль ва Лукас Васкеснинг ўрнини босувчи сифатида кўрмоқда.