Bu katta ehtimol bilan yozda sodir bo'ladi.
26 yoshli darvozabon o'zining ikkinchi raqamli maqomidan norozi va zaxira o'yinchisi roli bilan murosa qilishni rejalashtirmayapti. Luninga asosiy da'vogar sifatida Turkiyaning "Galatasaroy" klubi tilga olinmoqda.
Avvalroq, ispan OAVlari "Real" ukrainalik darvozabon bilan taxminan 20 million evro evaziga xayrlashishga tayyorligi va uning ketishiga to'sqinlik qilmasligi haqida xabar bergan edi. Luninning "qaymoqranglilar" bilan shartnomasi 2030 yil iyun oyida tugaydi.
