Ravshan Haydarov boshchiligidagi O'zbekiston U-23 terma jamoasi Iroq bilan o'ynaydi

Narzulla Saydullayev

8 iyul 2016, 21:18

1995 yil va undan keyin tug'ilgan futbolchilardan tashkil topgan O'zbekiston yoshlar terma jamoasi 21 iyulda o'rtoqlik uchrashuvini o'tkazadi.

2018 yilda har ikki yilda o'tkaziladigan U-23 Osiyo chempionati bo'lib o'tadi. Yangi tuzilgan jamoa aynan mana shu musobaqada ishtirok etishi ko'zda tutilgan. Ravshan Haydarov boshchilik qiladigan terma jamoa kelgusi yil U-23 Osiyo chempionati saralashida qatnashadi.

21 iyul kuni Iroq yoshlar terma jamoasi bilan Toshkentda o'rtoqlik uchrashuvi o'tkazish rejalashtirilgan.