UZ

Сўнгги янгиликлар

07:00Болаларни катта футболга тайёрлашнинг голландча усули ҳақида  0 02:20Ла Лига. 8 та гол киритилган ўйинда “Реал Мадрид” ғалаба қозонди   328 01:00Тер Штеген Неймарнинг ПСЖга ўтганига муносабат билдирди   31 00:25Милан клублари Балотеллини ортга қайтаришга уриниб кўради   3 00:07Германия бундеслигаси. Жароҳатдан қайтган Марко Ройс гол урган ўйинда “Боруссия Д” ғалаба қозонди   9 23:59Наҳотки!!! “Реал” Кевин де Брюйне учун 200 миллион евро тўлашга тайёр   18 23:49Лига 1. “Лион” сўнгги дақиқаларда ғалабани қўлдан чиқарди   2 23:44Ла Лига. “Атлетико Мадрид” ғалабага эришди   5 23:35Англия кубоги. “Тоттенхэм” Англия биринчи лигаcи вакилини мағлуб эта олмади   10 23:31Иван Ракитич Вальверде ҳақида нималар деди?   3 23:17Унаи Эмери: ПСЖ ўз майдонида жуда кучли ўйин кўрсатади   21 23:03Моуриньо “Манчестер Юнайтед”нинг ЕЧЛдаги имкониятлари ҳақида гапирди   16 22:50“Манчестер Сити”га Юлиан Вайгль керак   5 22:37Эден Азар “Реал”га ўтиши ҳақида: Ушбу трансфер мен қачон хоҳласам, ўшанда амалга ошади   57 22:23Жиру Конте ҳақида: Конте хаёлида ўзини ҳамон футболчи деб ўйлайди   10

Равшан Ҳайдаров: "Самарқандлик йигитлар "Динамо"нинг ўзаги бўлишини истайман" Янгиликлар

Равшан Ҳайдаров: "Самарқандлик йигитлар "Динамо"нинг ўзаги бўлишини истайман"

«Динамо» клуби ҳам иккинчи даврага жиддий тайёргарлик олиб боряпти. Бош мураббий Равшан Ҳайдаров жамоани мавсум ярмида қабул қилиб олганди.
 Таркибни кучайтириш учун унда ҳеч қандай имконият ҳамда вақт йўқ эди. Энди бўлса у ўзи истаган даражада таркибни кучайтириш ва шакллантириши мумкин. Шунинг учун самарқандликлар айни пайтда Тошкентда кучайтирилган тартибда машғулот ўтказмоқдалар. Қолаверса, таркибда ҳам айрим ўзгаришлар юз беряпти. Бу борада бош мураббий билан суҳбатлашдик.

- Равшан Акмалович, суҳбатимизни аввало жамоа етакчиси – Александр Клецковнинг кетганлиги билан бошласак. Ҳеч кимга сир эмаски, у «Динамо»нинг асосий футболчиси эди. Унинг Туркияга жўнаб кетишига муносабатингиз қандай бўлди?

- Албатта, Клецковнинг жамоамизни тарк этганлиги биз учун йўқотиш бўлди. Чунки унда тажриба етарли ва асосий ўйинчиларимиздан бири эди. Аммо футболчи ўзини четда синаб кўришни хоҳлади. Шунинг учун Туркия биринчи дивизион вакили - «Ордуспор» билан шартнома тузди. Клубда ўйинчиларни мажбурлаб олиб қолмаймиз. Клецковнинг ўзи кетишни хоҳлади.

- Гарчи Александр Клецков «Динамо»ни тарк этганига қарамасдан сиз унинг ўрнига янги футболчиларни таклиф қилиб машғулотларда синовдан ўтказяпсиз...

- Ҳа, тўғри. Икки ҳимоячилар - «Пахтакор»дан Илдар Маматказин ва «Нефтчи»дан келган Ойбек Нурбоев биз билан бирга. Ушбу футболчилар ўз клубларида етарли даражада ўйин амалиётига эга бўлмадилар. Шу боис «Динамо»да ўзларини ҳар томонлама кўрсатишга ҳаракат қилишяпти. Шуни алоҳида айтишим керакки, ушбу йигитларнинг жисмоний тайёргарлиги ёмон эмас. Бу футболчиларни жамоамизга тезроқ мослашиб олишлари учун назорат ўйинларида ҳам синовдан ўтказамиз.

- Умуман олганда, жамоага қўшилган янги футболчилар ҳақида маълумот бера оласизми?

- Сафимизда янги ўйинчилар бор, йўқ эмас. Маматказин ва Нурбоевдан ташқари «Қизилқум»дан Аваз Агалиев ва Алишер Саматовни ҳам таклиф қилганман. Биласиз, биринчи давра бошида «Қизилқум»да улар мен билан ишлашган. Айнан Агалиев ва Саматов иккинчи даврани «Динамо»да ўтказиши аниқ бўлди. Ўйлайманки, улар жамоамизга албатта фойда келтирадилар. Қолаверса, бу орқали рақобатни ҳам кучайтиришни мўлжаллаганмиз.

- «Динамо»ни Клецковдан ташқари яна кимлар тарк этди?

- Ҳозир таркибни шакллантириш устида ишлаяпмиз. Шунинг учун биринчи даврада ўзини кўрсата олмаган айрим ўйинчилар билан хайрлашишга мажбурмиз. Лекин шуни ишонч билан айтаманки, бизда катта йўқотишлар йўқ. Биз асосий эътиборимизни селекцияга қаратиб янги келган футболчиларни обдон кузатяпмиз. Чунки иккинчи даврада «Динамо» янада кучлироқ ўйин кўрсатиши лозим. Шунинг учун машғулотларда жиддий ишлаяпмиз. Биринчи даврадаги хато ва камчиликлар устида ҳам ишлаяпмиз. Иложи борича мухлисларимизни хурсанд қилишга ҳаракат қиламиз. Негаки, уларнинг жамоамзидан умиди катта.

- Яқинда нигериялик футболчиларнинг шуғулланаётгани ҳақида маълумотлар пайдо бўлди. Бу ҳақида нима дея оласиз?

- Тўғри, сафимизда икки нафар нигериялик ўйинчилар шуғулланишди. Уларни бизга агентлар тавсия қилишди. Ўтказилган ўртоқлик учрашувида ушбу йигитларни ҳам майдонга туширдим. Афсуски, легионерлар мен кутган даражада эмас экан. Шу боис уларнинг хизматидан фойдаланмасликка қарор қилдим.

- Жамоангизни шакллантириш йўлида ўтказилган назорат ўйинлари жуда муҳим ўрин тутади. Шуни инобатга олганда қайси рақиблар билан келишувга эришдинглар?

- Тўғри, йиғин давомида бизу чун ўртоқлик учрашувлари жуда керак. Шунинг учун биз «Пахтакор», «Нефтчи» ва «Олмалиқ» билан ўйин ўкатизшга келишиб қўйганмиз. Билсангиз, иккинчи даврага тайёргаликни 11 июлдан бошлаганмиз. Айтмоқчиманки, дастлабки йиғинимизда ҳам биринчи лиганинг иккита жамоаси билан назорат учрашувини ташкил қилганмиз. 20 июлдан Тошкентда бошланган машғлотларимизда ҳам ўртоқлик ўйинларига эътибор қаратишни лозим топдик. Умид қиламанки, бу орқали футболчилар бир-бирини янада яхишроқ тушуниб оладилар.

- Айтингчи, иккинчи даврага кўрилаётган тайёргарлик ва селекциядан қониқяпсизми?

- Қўл остимдаги футболчилар машғулотларда астойдил ишлашяпти. Ҳар бир ўйинчи ўзини кўрсатгиси келади. Тўғри, айрим чизиқларимизда муаммолар бор. Бунга ҳужум чизиғини мисол қилишим мумкин. Негаки, биринчи даврада олдинги чизиқ вакиллари кутилган ўйинни кўрсата олишмади. Иккинчи давра учун эса ҳужумни кучайтирмасак бўлмайди. Шу масалада биз янги ўйинчилар билан гаплашяпмиз. Умуман, тайёргарлик давомида агентлар бизга бир қатор футболчиларни тавсия қилишади. Лекин уларнинг ҳаммасини ҳам олавермаймиз. Ўзимизга мос бўлган футболчиларни танлаймиз.

- Мавсум бошида раҳбарият «Динамо»ни маҳаллий футболчилар асосида шакллантиришни мақсад қилиб қўйганди. Лекин ҳозирда таркибга кўплаб янги ўйинчилар келмоқда...

- Мен ҳам самарқандлик йигитлар жамоа ўзаги бўлишини истайман. Бу едаги футболчиларнинг малакаси ошишида ўз ҳиссамни қўшмоқчиман. Кўрдингиз, биринчи даврада кўплаб ёш футболчилар биринчи марта тўп суришди. Уларда тажриба ошиши учун барибир вақт керак. Чунки ёшларда барқарорлик бир маъёрда эмас. Нима бўлганда ҳам бу ёшлар жамоанинг келажаги бўлишини хоҳлайман. Шу боис улар ҳеч қачон бизнинг эътиборимиздан четда қолишмайди.

Шуҳратбек ЖЎРАЕВ суҳбатлашди.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Темур Кападзе терма жамоанинг кенгайтирилган таркибини эълон қилди Темур Кападзе терма жамоанинг кенгайтирилган таркибини эълон қилди
Ўзбекистон миллий терма жамоаси бош мураббийи вазифасини вақтинчалик...  264
Тимур Кападзе - МТЖнинг вақтинча бош мураббийи. Бу ҳақда мураббийлар қандай фикрда? Тимур Кападзе - МТЖнинг вақтинча бош мураббийи. Бу ҳақда мураббийлар қандай фикрда?
Хабарингиз бор, кеча ЎФА расмий сайти ўтган йил футболчилик...  208
ЛаЛига. "Барселона" сафарда "Эйбар"ни мағлуб этди ЛаЛига. "Барселона" сафарда "Эйбар"ни мағлуб этди
Испания ЛаЛигаси 24-туридан ўрин олган "Эйбар" -...  154
Тимур Кападзе: "Мухлисларнинг норозилигини тушунаман" Тимур Кападзе: "Мухлисларнинг норозилигини тушунаман"
Куни кеча Тимур Кападзе Ўзбекистон терма жамоасига вақтинчалик бош...  144
������.�������

CA ни Facebook да ўқиш
учун "Yoqdi"ни босинг