Обид Худоёров: "Жигаури майдонда бўлганида, бошқача ўйин бўларди"

30 окт 2026, 22:35
Суперлиганинг 26-тури доирасида "Қўқон-1912" - "Қизилқум" (0:0) учрашувидан кейинги матбуот анжуманида меҳмонлар мураббийи Обид Худоёров фикрларини билдирди.

- Жуда қийин ўйин бўлди. Жигаурининг четлатилишидан кейин бироз қийналиб қолдик. Жамоа яхши ўйин ўтказди, йигитларга катта раҳмат айтаман, улар охиригача ўйнашди.

- Четлатилиш борасидаги вазиятни қандай баҳолайсиз?

- Ҳеч ким қоида бузиб, қизил олишни истамайди. Устига-устак биринчи бўлимдаёқ биз бир киши кам бўлиб қолдик. У ҳам буни истамаганди. Бир нечта ўйиндан бери у жамоамизда энг яхши футболчимиз бўлиб келаётганди ва жамоага доимо ёрдам беришни истайдиган, иштиёқи баланд футболчи. Ёши катта бўлишига қарамасдан у ҳар томонлама ўзини кўрсатаётганди. Балки вазият қизил карточкага тортгандир, мен ҳакамларнинг ишига баҳо бера олмайман. Шунақа бўлиб қолди. Балки у майдонда бўлганида ўйин бошқача кечарди.

- Бобомурод Бозоров захирадан ўйинга қўшилиб, яна захирага олинди. Бунга сабаб нима?

- Биз уни бешинчи ҳимоячи қилиб, захирадан ўйинга қўшгандик. Кейин эса ҳисобни ушлашга ўйнадик ва уни захирага олдик.

- Ислом Кенжабоев ўйин охирида захирага олиниши режа қилинганди. Бироқ у ўйинни давом эттирди. Бу бош мураббий билан келишилган тарзда амалга оширилдими? Чунки у захира ўриндиғида эмасди.

- Ўйин охирлаб қолганида биз яна вақт чўзиш ниятида шундай қилдик. Унинг ўзи ўйинни тугатиб қўяман, деб айтди ва охиригача ўйнади.

Ўхшаш янгиликлар


Манба: championat.asia

Сўнгги янгиликлар

Барча ›