"Qo'qon-1912" klubi davralar orasidagi tanaffus paytida yana ikkita futbolchi bilan shartnoma imzoladi. Jumladan, Kleydi Daci va Abror Karimov qo'qonliklar bilan bitim tuzdi. Ikki futbolchi ham OKMKdan kelgan bo'lib, ijara asosida klubda harakat qiladi.
Kleydi faoliyati davomida "Teuta", "Kastrioti", "Kukesi", "Partizan" va OKMK klublarida jami 150 marta maydonga tushib, raqiblar darvozasini 27 bor ishg'ol qilgan. Shuningdek, 6 bor golli uzatmali samaradorlikni amalga oshirgan.
