"Реал Мадрид" ва "Олимпиакос" клублари собиқ ҳимоячиси Марсело фаолиятини Бразилиянинг "Флуминенсе" клубида давом эттиради. 34 ёшли футболчи айнан шу клубнинг тарбияланувчиси ҳисобланади.
"Қайтиш вақти келди", -деб ёзади "Флуминенсе" клуби ўз твиттер саҳифасида.
Эслатиб ўтамиз, Марселонинг охирги клуби "Олимпиакос" эди. Футболчи 2022 йилнинг сентябрь ойидан бери клубда 10 та ўйин ўтказганди. Якунда икки томон келишган ҳолда ўртадаги шартномани бекор қилишганди.
