UZ

Сўнгги янгиликлар

22:27МЮ январда "Барселона" футболчисини ижарага олишни режалаштирмоқда  1 22:13Пирло: "Роналду билан келишиб олдик"  3 21:50Европа Лигаси. Винисиус ҳафтанинг энг яхши ўйинчиси деб топилди  3 21:33Куман маошининг қисқартирилишига рози бўлди  1 21:09Эриксеннинг трансфер нархи аниқ бўлди  2 20:57Черишев коронавирусга чалинди  0 20:42ЕЧЛ. Ҳафтанинг энг яхши ўйинчиси аниқланди  0 20:19Роналду "Беневенто" билан ўйнамайди, чунки...  11 19:5938 ёшли Лескотт футболга қайтди  0 19:40Туркия терма жамоаси етакчиси "Ман Юнайтед"га ўтади (Кристиан Фальк)  12 19:23"Алавес"га қарши ўйинда "Реал"га кимлар ёрдам беролмайди?  8 18:50"Челси" Алаба борасида музокаралар олиб боради  4 18:42Olamsport: Фазлиддин Ғоибназаров жўнаб кетди, Майк Тайсон Рой Жонснинг "қулоғини" еди ва бошқа хабарлар  1 18:31Фред МЮдан янги шартнома олиши мумкин  2 18:10Товен "Милан"га ўтишга қарор қилди  4

Расман: Фозил Мусаев “Ал-Муъайзер” билан шартнома тузди Янгиликлар

Расман: Фозил Мусаев “Ал-Муъайзер” билан шартнома тузди

“Бунёдкор” ҳамда Ўзбекистон миллий терма жамоаси ярим ҳимоячиси Фозил Мусаев 18 июль куни Қатар Юлдузлар Лигаси дебютанти – “Ал-Муъайзер” клуби билан бир йиллик шартнома имзолади.
Кеча оқшомда клубнинг янги ўйинчилари – Мусаев ва Боливия термаси плеймейкери Жасмани Кампос жамоатчиликка расман таништирилдилар. Қатарликларнинг яна бир ҳариди – бу Черногория миллий термаси марказий ҳимоячиси Джордже Джиканович. Жамоага яқин кунларда, шунингдек, Лотин Америкасида кучли бешликка кирувчи бир ҳужумчи келиб қўшилади.

24 ёшли Фозил Мусаев “Ал-Муъайзер” таркибида ўзи учун севимли бўлган 18-рақам остида тўп сурадиган бўлди.

Мазкур трансфер борасида футболчининг агенти Санъат Шарипов қуйидаги фикрларни билдириб ўтди: “Бизнинг олдимизда бир нечта вариантлар мавжуд эди. Уларни ўрганиб чиқиб, якунда “Ал-Муъайзер” таклифини маъқул кўрдик. Бу жамоа ўз олдига жиддий мақсадларни қўйган. Ёзги трансфер мавсумида бир қатор кучли легионерларни ҳарид қилди.

Кўпчилик яхши билади, ҳозирда Қатар Юлдузлар Лигаси клублари жаҳон миқёсидаги футболчилар билан бойишмоқда. Рауль, Нене (собиқ “ПСЖ”), Нодир Белхадж, Бакари Коне ва бошқа кўплаб юлдузларни келтириш мумкин. Шу боис улар қаторига Фозил Мусаевнинг қўшилиши, менимча, ижобий баҳога лойиқ. Агар марказий ярим ҳимоячимиз янги жамоаси таркибида ўзини кўрсата олса, қолаверса, миллий термамиз билан жаҳон чемпионатига чиқишга эришса, келажакда унга янада кучли клублардан таклифлар бўлиши турган гап”.

Янги жамоаси ҳақида Мусаевнинг ўзи шундай дейди:
- Бугунги кунда ўзбек футболининг мавқеи кун сайин юксалиб бормоқда. Мен Қатар чемпионатидаги ўз ўйинларим орқали бу фикр айни ҳақиқат эканлигини исботлаш ниятидаман. Клуб раҳбарияти менга билдирган ишончни тўлиқ оқлашга ҳаракат қиламан.

***

Маълумот ўрнида шуни айтиш мумкинки, “Ал-Муъайзер” жамоасини испаниялик 61 ёшли мутахассис Ладислас Лосано бошқаради. Қатар чемпионати ўйинларининг бошланиши эса сентябрга мўлжалланган. Унгача мамлакат клублари Шайх Жассим кубогида қатнашадилар. “Ал-Муъайзер ” мусобақанинг гуруҳ босқичида “С” гуруҳида “Ал-Садд” (21 июль), “Ал-Хор” (25 июль), “Ал-Харитият” (2 август) ва “Ал-Месаймир” (5 август) жамоалари билан баҳслашади. 

Б.Турсунов

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика