Раде Петрович: "Насаф"ни мағлуб қила олган ягона жамоа сифатида фахрланишимиз мумкин"

- "Насаф"ни чемпионлик билан табриклайман. Улар ушбу мавсумни юқори даражада ўтказишди ва чемпионликка муносиб эдилар. Чемпионлар лигасида ҳам муносиб иштирок этиб, ўзбек футболи даражаси юқори эканлигини кўрсатишяпти.

Бизда ўйин учун тайёргарлик қийин кечди, йигитларни шуғуллантириш осон бўлмади. Ўтган ҳафтада "Сурхон"га мағлуб бўлганимиздан кейин йигитлар бугун характер кўрсата олишди. Голгача бизда учта яхши имконият юзага келди. Чемпионга қарши ўйинда дарвозамиз дахлсизлигини сақлаб қолдик. Ушбу мавсумда "Насаф"ни мағлуб қила олган ягона жамоа эканлигимиздан фахрлансак бўлади. Ушбу мавсумда икки марта уларни мағлуб қилдик.