“Қизилқум” таркибида ўзгаришлар қилинмоқда

Шу боис бош мураббий Рустам Забиров жамоани аутсайдерлар қаторидан олиб чиқиб кетиш учун, таркибда бирда қатор ўзгаришлар қилишига тўғри келмоқда. Бугунги кунда йиғинни Қизилтоғ шаҳрида олиб бораётган олтин изловчилар таркибида келди кетдилар давом этмоқда.

Клуб матбуот хизматининг сайтимизга маълум қилишича, биринчи даврада “Қизилқум” шарафини ҳимоя қилган, Илья Ильин, Алишер Саматов, Муқимжон Тошматов, Азамат Абдуллаев, Фаррух Шотурсунов, Аваз Агалиев, Феруз Бобоқулов ҳамда Олим Навкаров каби ўйинчилар бугунги кунда жамоа билан бирга эмас. Бу футболчиларга айни пайтда олий лиганинг бир қатор клубларидан қизиқишлар бўлмоқда.

“Қизилқум” машғулотларида иштирок этаётган янги футболчилар ҳам йўқ эмас. Булар биринчи даврани асосан “Локомотив” захира ўриндиғида ўтказган ҳимоячи Рустам Аъзамов ва “Насаф” ярим ҳимоячиси Элдор Бойматовдир. Забиров яна бир қатор футболчиларни кўз остига олиб қўйган ва улар билан айни пайтда музокара ўтказилмоқда. Ўзга давлатлардан ташриф буюриши айтилаётган хорижлик футболчиларнинг яқин орада “Қизилқум” лагерига келиши кутилмоқда.

Мураббийлар штаби синов-назорат ўйиналарини ҳам ўтказиш орқали футболчиларнинг имкониятларини билиб олишга катта эътибор қаратмоқда. Ҳозирча, 20 июль куни “Бунёдкор” ёшлар жамоаси ва 23 июлда “Навбаҳор” билан ўртоқлик учрашуви ўтказилишига келишиб қўйилган.

Яна шуни ҳам қўшимча қилиш ўринлики, яқинда жамоа бош хомийси, клуб президенти мураббийлар билан учрашган. Унда иккинчи даврада моддий томондан ҳеч қандай камчилик бўлмаслиги айтилган.


Исломбек Рустамбеков