"Қизилқум": Ҳамиджон Актамовни табриклаймиз!

Фурсатдан фойдаланиб, футбол клуби маъмурияти, жамоанинг барча аъзолари ҳамда кўпсонли мухлислари номидан Ҳамиджон Ғуломовични қутлуғ ўттиз етти ёшлари билан муборакбод этамиз. Ҳақиқий футбол фидойиси ва тиниб-тинчимас бу инсонга сиҳат-саломатлик, узоқ умр ва оилавий бахт тилаймиз.

Қисқа фурсатда Навоий вилоятида рақобатбардош жамоа ташкил қилиб, ишқибозларга миллионлар ўйинининг қувончи ва ҳаяжонларини армуғон этиб келаётган Ҳамиджон Ғуломовичга хайрли ишларида фақат омад ёр бўлсин!

Шу ўринда, таниқли адиб Обиддин Маҳмудовнинг қуйидаги мисраларини Ҳамиджон Актамовга бағишлаймиз:

Эй, азиз умр! Сен улкан неъматсан, улкан имкониятсан ва қанчалик ғаниматсан!

Ишонамизки, Сизнинг раҳбарлигингизда “Қизилқум” жамоаси келажакда нафақат Навоий вилояти, балки ўзбек футболи довруғини халқаро майдонларда ҳам юксалтиришга ўз ҳиссасини қўшади. Ана шундай муваффақиятларни биргаликда нишонлаш барчамизга насиб этсин.

Таваллуд айёмингиз яна бир бор муборак бўлсин, Ҳамиджон Ғуломович!!!

  “Қизилқум” ПФК Матбуот хизмати.