"Қизилқум" футболчиси терма жамоадан таклиф олди

Шу ойдаги ФИФА кунларидан унумли фойдаланиш мақсадида терма жамоамиз 15 ноябрь куни Грузия терма жамоасига қарши ўртоқлик учрашуви ўтказади. Ҳозиргина олган хабаримизга кўра, терма жамоа йиғинига яна бир фуnболчи таклиф этилди. Бу - "Қизилқум" ярим ҳимоячиси Ислом Кенжабоев. 

Кенжабоевнинг 9 ноябрдан машғулотларга қўшилиши кутилмоқда. Машғулотнинг биринчи кунида қуйидаги футболчилар шуғулланди:

Дарвозабонлар - Элдорбек Суюнов ("Пахтакор"), Валижон Раҳимов (АГМК), Ўткир Юсупов ("Навбаҳор").

Ҳимоячилар - Фаррух Сайфиев ("Пахтакор"), Даврон Ҳошимов ("Навбаҳор"), Ислом Қобилов ("Локомотив"), Марлен Чобанов ("Пахтакор"), Достон Турсунов ("Чунцин Лифан", Хитой), Абдулла Абдуллаев ("Бунёдкор").

Ярим ҳимоячилар - Одил Ҳамробеков ("Пахтакор"), Икром Алибоев ("Тэджон", Жанубий Корея), Отабек Шукуров ("Ал Шаржа", БАА), Аброр Исмоилов ("Пахтакор"), Достонбек Ҳамдамов ("Пахтакор"), Азиз Ғаниев ("Шабаб Ал Аҳли", БАА), Жалолиддин Машарипов ("Ал Насср", Саудия Арабистони), Ҳожимат Эркинов ("Пахтакор")

Ҳужумчи - Игорь Сергеев ("Тобол", Қозоғистон).