"TEAMtalk" маълумотларига қараганда, француз гранди "Манчестер Сити"да Ҳоланднинг вазияти бўйича махфий сўров юборган.
Айтилишича, Эрлингга бўлган қизиқиш Усмон Дембеле атрофидаги ноаниқлик билан бевосита боғлиқ — футболчининг клубдаги келажаги савол остида қолган. Кескинлик Дембеле "Ренн"дан мағлуб бўлгандан кейин жамоадошларининг садоқатига омма олдида шубҳа билдирганидан сўнг янада кучайган.
Инқироз Дембеле Чемпионлар Лигасида "Монако"га қарши ўйин бошида жароҳат сабаб алмаштирилганидан кейин янада авж олди. Унинг ўрнига тушган Дезире Дуэ жамоага 3:2 ҳисобида ғалаба қозонишда ёрдам берган.
Шу беқарорлик авжида воситачилар француз вингерининг клубни тарк этиш эҳтимолини яширин тарзда ўргана бошлаган. Хабар қилинишича, Премьер-лига вакиллари билан аллақачон алоқалар ўрнатилган, улар орасида "Арсенал", "Манчестер Юнайтед", "Ливерпуль" ва "Челси" ҳам бор.
Қайд этилишича, норвегиялик ҳужумчи бу мавсум барча мусобақаларда "шаҳарликлар" сафида 37 ўйин ўтказиб, 29 та гол урган ва 6 та голли пас берган.
