Пол Инс: "Мен Фергюсондан эмас, хотинимдан илҳомланаман"
30 сен 2022 20:02
Янгиликлар

Пол Инс: "Мен Фергюсондан эмас, хотинимдан илҳомланаман"

"Рединг" бош мураббийи Пол Инс фаолияти ҳақида фикр билдирди.

Инс устозлик қилаётган клуб айни дамда Чемпионшипда 10 ўйинда 18 очко жамғарган ҳолда учинчи ўринда бормоқда.

Англиялик мутахассис февраль ойида жамоани қуйи лигага тушиб кетиш хавфи остида қабул қилиб олганди. Қисқа муддат ичида у "Рединг"ни юқорига олиб чиқди. Шундан сўнг у кўпчилик томонидан Сэр Алекс Фергюсонга қиёсланди. Полнинг айнан шотландиялик мутахассисдан илоҳомланиб, фаолият юритиши таъкидланди. Аммо инглиз мураббийи бунга ойдинлик киритди.

"Одамлар мендан "Кимдан илҳом оласиз: сэр Алекс Фергюсон ёки Жон Лаяллданми", деб сўрашса, мен уларга хотиним Клердан деб айтаман. 80-йилларда оқ танлилар ва қора танлиларни эр-хотин сифатида тасаввур қилиш қийин бўлган пайтларда, у жуда кўп қийинчиликларни бошдан кечирди. У мен билан оиласидан узоққа — Манчестерга кўчиб ўтиш учун ўз ишидан воз кечди. Бизнинг турмуш қурганимизга 32 йил бўлди", — деди Инс.