UZ

Сўнгги янгиликлар

17:51Бундеслиганинг 4та учрашуви учун асосий таркиблар эълон қилинди  0 17:37"Парма" - "Милан" 1:1  0 17:32Омар Моманидан янги карикатура  8 17:29А Серия. "Милан" сўнгги дақиқаларда гол ўтказиб, ғалабани қўлдан чиқарди  6 17:15Суперлига. АГМК - "Бунёдкор" 0:1 (матнли трансляция)  27 17:02АГМК - "Бунёдкор". Мухлис ва мухлисалар стадионга келишмоқда   6 16:56АПЛ. Йил футболчиси совринига номзодлар рўйхати эълон қилинди  18 16:44Зидан "Реал" раҳбариятидан де Лигтни "Барселона"дан илиб кетишни сўради  20 16:07Жанубий Корея. К2 лигаси. Рустам Ашурматов гол уриб, жамоаси ғалабасига хисса қўшди  11 15:43"Манчестер Сити" - "Тоттенхэм". Таркиблар эълон қилинди  36 15:36Гвардиола: "VAR баъзида ёрдам беради, баъзида йўқ"  14 15:14Бэйл "Реал"ни тарк этмоқчи эмас  36 15:07"Локомотив" ОАВ ходимларини матбуот анжуманига таклиф этади  1 15:02АГМК – “Бунёдкор” учрашувида ишлайдиган расмий шахслар рўйхати  2 14:45Коутиньо голни нишонлаши учун бўлаётган танқидларга жавоб берди  13

ПФЛ Даврон Ҳошимовни кечирди Янгиликлар

ПФЛ Даврон Ҳошимовни кечирди

Суперлиганинг 21-туридан кейин ПФЛ “Навбаҳор” футбол клубини 10 миллион ва яна уч нафар футболчини 5 миллион сўмдан жаримага тортганди.

Бугун — 14 август куни жарима тортилган футболчилардан бири Даврон Ҳошимов ПФЛга ташриф буюрди ва бўлиб ўтган иш юзасидан тушунтириш берди.

“Кечаси билан ухлолмай чиқдим. Сизларни ишонтириб айтаманки, мен сариқ карточкани “тозаланиб олиш” учун олганим йўқ. Кўпчилик яхши билади, футбол ўйини вақтида ҳиссиётларга тез бериламан. Учрашувдан кейин қилган ишларим учун пушаймон бўлган вақтларим кўп бўлган. Аммо “Бухоро”га қарши ўйинда сариқ карточкани қасддан тилаб олганим йўқ, мен бундай ишларга қўшилмайман ва буни қоралайман”, — дейди Даврон Ҳошимов.

Даврон Ҳошимов ПФЛ қарорларига эътироз билдирмаслиги ҳақида айтди. Шунчаки, асл ҳақиқат қандай бўлганини маълум қилиш учун ҳам ташкилот офисига ташриф буюрганини тушунтирди.

“Пахтакор”да қолишим ҳам мумкин эди. Бироқ бунда кўп вақтим захирада ўтиб кетиши катта эҳтимол бўлиб турганди. Мен эса маоши камроқ бўлса-да, “Навбаҳор”ни танладим. Бунда кўпроқ ўйин амалиётига эга бўлиш ва шу йўл орқали миллий термага қайтишим мумкинлиги ҳақида ўйладим. Мана шундай вақтда қайсидир ўйинни қўйиб юборишни хаёлимга ҳам келтирмайман. Мен оилада катта фарзандман. Мен қанча кўп ўйинда майдонга тушсам, ўзимга шунча яхши”, — деди футболчи.

Ҳимоячи ўзидан кейин огоҳлантириш олган футболчилар масаласига ҳам эътибор қаратди. Учрашувдан кейин ёш Остон Ўруновни койигани, энди “гуллаётган” футболчи бундай йўл тутиши тўғри эмаслигини тушунтиргани ҳақида сўзлаб берди. Суҳбат давомида Жаҳонгир Меҳмонов ҳамда Остон Ўруновнинг муғомбирлик йўли билан сариқ карточка олганига шубҳа қолмади. Даврон Ҳошимов эса вазият аслида қандай бўлгани борасида тушунтириш берди ҳамда ПФЛ вазиятни такроран ўрганиб чиқишини сўради.

“Мен бундай ишларга аралашмайман. Менга кўпроқ ўйнаганим, яхшироқ пул топиб, оила тебратганим маъқул. Ҳатто вазият менинг фойдамга ҳал қилинмаса ҳам розиман. Шунчаки, мухлисларда шубҳа бўлмаслиги учун ҳам шу ердаман”, — деб айтиб ўтди “Навбаҳор” ҳимоячиси.

ПФЛ комиссияси эрта тонгда ПФЛга етиб келган Даврон Ҳошимов огоҳлантирилган вазиятни қайта кўриб чиқиб, ўз қарорига тушдан кейин ўзгартириш киритди. Унга кўра, “Навбаҳор” футбол клуби ўз гарданидаги 10 миллион сўмни, шунингдек, Жаҳонгир Меҳмонов ҳамда Остон Ўрунов 5 миллион сўмни жарима сифатида тўлаб беради. Мазкур икки футболчи 22-турдан ташқари 23-тур беллашувларини ҳам ўтказиб юборади.

Даврон Ҳошимовга нисбатан чиқарилган ҳукм эса ўз кучини йўқотади. ПФЛ қолган футболчиларни ҳам ҳалол ўйнашга, мухлисларни, футболни ва ўзларини алдамасликка чорлаб қолади.

Ҳошимов 23-тур ўйинида иштирок этиш ҳуқуқига эга. “Навбаҳор” бу турни кимга қарши ўтказиши эса 22-тур якунига етгач ташланадиган қуръа ойдинлик киритиб беради.

Рейтинг: +101   
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг