Пеп Гвардиола: "Вақти соати келиб “Ман Сити” ярим финал довонини босиб ўтади. Жамоа бунга лойиқ”

“Манчестер Сити” Пеп қўли остида илк мавсумда ЕЧЛни 1/8 финалда, кейинги уч мавсум қаторасига 1/4 финалда ўз иштирокини якунлашга мажбур бўлмоқда.

“Қачондир биз ярим финал йўлланмасини қўлга киритамиз. Жамоа йилларда давомида ушбу довонни босиб ўтишга лойиқ ўйин намойиш этмоқда.

Беллашувнинг дастлабки 20-25 дақиқасида биз ҳужумлар уюштириш учун бўш “зона”ларни топишга қийналдик. Аммо иккинчи бўлимда ҳаммаси яхши кетаётганди. Биз кучлироқ эканлигимизни сезиш қийинмасди. Бироқ бу каби турнирларда ғалаба учун идеал ўйин намойиш этиш лозим. Биз кўп нарсани тўғри бажарсакда, бу ғолиб чиқишимиз учун камлик қилди. Муҳим вазиятларда жарима майдончалар олдида хатоларга йўл қўйдик. Стерлинг билан боғлиқ вазиятда гол уришимиз ва ўйинни қўшимча вақтларга ўтишини таъминлашимиз лозим эди. Аммо кейинчалик гол ўтказиб юбордик ва барчаси тугади. 

Биз кўплаб вазиятларни яратдик, зарбалар йўлладик. Афсуски, ғолиблик рақибга насиб этди”, дея Гвардиоланинг сўзларидан иқтибос келтирмоқда BT Sport.