UZ

Сўнгги янгиликлар

15:16Coca Cola Суперлигаси. 26-тур лауреатлари  0 15:10"Вест Хэм" Райсни "Челси"га қўйиб юбормоқчи эмас  0 14:47Фати "Барса" сосьосига айланди, аммо тез орада бўлиб ўтадиган сайловларда овоз бера олмайди  1 14:25Аёллар футболи. Ўзбекистон кубоги финалчилари маълум  0 14:23Манба: Месси кейинги йилда ПСЖга ўтади  8 14:00"Вильярреал" кетма-кет 13та ўйиндан бери ютқазмаяпти. Клуб ЕЛ плей-оффига чиқди ва Ла Лигада 3-ўринда бормоқда  1 14:00Спортчилар ижтимоий тармоқларда  0 13:49Ўзбекистон кубоги. "Бухоро" - "Металлург" учрашуви Олмалиқда бўлиб ўтади  5 13:32Рамоснинг "Севилья"га қарши ўйинда иштирок этиши сўроқ остида. У "Боруссия"га қарши ўйинда майдонга қайтиши мумкин  0 13:10"Пахтакор" - "Андижон" 2:0. Учрашувда урилган голлар ва хавфли вазиятларни томоша қилинг  33 13:05Eplmanager.com: Эртага "The League of London 20/21" совринли лигаси бошланади!  2 13:00"Монако" "Милан" ярим ҳимоячисига қизиқмоқда  5 12:58Чемпионлар кубогига марҳабо  6 12:37Шота Арвеладзе Ўзбекистон чемпионатида иккинчи бор ғолиб бўлган иккинчи хорижлик мураббий  28 12:14"Реал" Почеттино билан музокараларни бошлади  19

"Пахтакор"нинг 5 нафар футболчисида коронавирус аниқланди ва улар изоляция қилинган Янгиликлар

"Пахтакор"нинг 5 нафар футболчисида коронавирус аниқланди ва улар изоляция қилинган

Бизга маълум бўлишича, "Пахтакор" жамоасининг 5 футболчисида коронавирус инфекцияси аниқланган.

Клуб жамоани доимий тиббий назоратдан ўтказиш чоғида жамоа аъзоларининг 5 нафарида коронавирус инфекцияси мавжудлигини аниқлаган ва уларни тезда изоляция қилган.

Суперлига жамоалари ичида "Пахтакор" доимий тарзда карантин қоидаларига амал қилиб, коронавирусга тест топшириб, тиббий назоратни кучайтирганига қарамасдан жамоа аъзоларининг 5 нафар вакилида ушбу инфекция аниқланган. Ҳозирда клубнинг барча ходимлари, жамоа персоналлари ва футболчилари яна қўшимча тест топширишган. Мазкур тест натижалари душанба куни чиқиши кутилмоқда.

"Пахтакор" клуби коронавирус аниқланган 5 футболчисини изоляция қилиб, барча тиббий воситалар, дори-дармонлар билан таъминлаган ҳолда тиббий назоратда ушлаб турибди. "Пахтакор" АГМК билан ўйиндан кейин машғулотлар ўтказмаяпти ва ҳозирда жамоанинг бошқа аъзолари ва ходимларининг қўшимча тест натижаларини кутмоқда.

Гарчи сайтимизга айнан кимлар коронавирусга чалингани ҳақидаги маълумотлар борлигига қарамасдан исмларни ошкор қилмасликни лозим топдик.

Эслатиб ўтамиз, Суперлига 10-тур доирасида "Пахтакор" тақвимга кўра Қўқонга сафар қилиши ва 23 июль куни "Қўқон-1912"га қарши баҳсда майдонга тушиши лозим. Лекин катта эҳтимол билан бўлажак ўйин қолдирилиши мумкин.

Умуман Суперлиганинг 10-тур ўйинлари ўз вақтида ўтиши катта сўроқ остида турибди. Чунки "Пахтакор" жамоаси билан ўтган тур ўйнаган АГМК клуби вакиллари ҳам эндиликда коронавирусга тест топширишларига ва тиббий текширувдан ўтишларига тўғри келади.

Бу эса тақвимдаги 22 июль куни ўтказилиши керак бўлган АГМК - "Локомотив" ўйинини ҳам кечиктириши мумкин.

Бунга қадар тур олдидан Суперлига жамоаси "Сурхон"нинг 2 футболчиси коронавирусга чалингани ҳақида хабар берилганди. Ўтган турда эса "Бухоро" - "Бунёдкор" ўйини олдидан "қалдирғочлар" ҳимоячиси Ислом Қобиловда коронавирус аниқлангани туфайли номаълум муддатга қолдирилганди.

"Пахтакор" жамоасининг коронавирусга чалинган аъзолари, "Сурхон" футболчилари ва бошқа мазкур инфекция билан оғриган беморларга соғлик тилаб, тезда шифо топишларига тилакдошмиз.

Рейтинг: -70   

Фикрлар

championat.asia
< сўнгги янгиликларни кўриш
Яндекс.Метрика