O'zbekistonlik hakamlar OFKning maxsus kurslariga taklif etildi

Narzulla Saydullayev

14 fev 2017, 21:24

O'zbekistonlik hakamlar Ravshan Ermatov, Valentin Kovalenko, Ilgiz Tantashev, shuningdek, assistentlar Abduhamidullo Rasulov va Jahongir Saidov OFK musobaqalarida qo'shimcha hakamlar va video-assistentlik tizimini joriy etish bo'yicha maxsus kurslarga taklif etildi.

Mazkur kurslar shu yilning 7–11 mart kunlari Qatar poytaxti Doha shahrida bo'lib o'tadi. OFK hakamlar departamenti maslahatchisi va texnik mutaxassisi Farhod Abdullaev ushbu kurslarda texnik instruktor sifatida ishtirok etadi.

OFK hakamlikni rivojlantirish bo'limi boshlig'i – o'zbekistonlik Karine Muradyan kurs koordinatori etib tayinlandi.