Bugun erta tongda murabbiylar shtabi futbolchilar bilan trenajyor zalida mashg'ulot o'tkazishdi. Serbiyalik mutaxassis Lyubinko Drulovich birinchi navbatda futbolchilarning jismoniy holatini yaxshilashga e'tibor qaratmoqda.
Eslatib o'tamiz, O'zbekiston olimpiya terma jamoasining Toshkentdagi yig'ini 14 fevralga qadar davom etadi. Keyin Olimpiya terma jamoasi a'zolari Ispaniyaga yo'l olib, o'sha yerda yig'inni davom ettirishadi. Ispaniyadagi yig'in davomida bir qator nazorat uchrashuvlari o'tkazish rejalashtirilgan.
