Klub futbolchilar maoshini kechiktirishga majbur bo'lishi mumkin, deb xabar bermoqda "Biznes Online". "Ufa"da avval bunday holat kuzatilmagandi.
Hozirda klubda avgust oyi maoshlarini berish uchun mablag' bor, biroq hisob-kitob qilingan taqdirda, "Ufa"da hattoki 12 sentyabr kuni bo'lib o'tishi rejalashtirilgan RPL 7-tur uchrashuvi uchun Sochi safariga pul qolmaydi.
"Vaziyat chindan mushkul. Hozircha maoshlar kechiktirilishi kuzatilmayapti, ammo har qanday holatga tayyor turish lozim", – deydi "Ufa" bosh direktori Shamil Gazizov.
Eslatib o'tamiz, klub safida hamyurtimiz Oston O'runov ham to'p tepadi.
Hozirda "Ufa" 6-turdan so'ng 5 ochko bilan 13-o'rinni egallab turibdi.
