Bir necha kun oldin "Brentford"ga o'tgan o'zbekistonlik o'yinchi Muhammadali O'rinboev ayni damda asosiy jamoa bilan mashg'ulotlar olib bormoqda.
O'rinboevning saytimizga ma'lum qilishicha, u 10 kun davomida murabbiy bilan yakka mashg'ulotlarni o'tagan, undan keyin ikki kun B jamoasida bo'lgan, so'ngra asosiy jamoa bilan birgalikda ertaga bo'lib o'tadigan "Manchester Siti"ga qarshi bahsga tayyorgarlik ko'rgan.
Qayd etish kerakki, futbolchining harakatlari "Brentford" murabbiylar shtabiga maqul kelgan. Futbolchi ertaga "Manchester Siti" bilan o'yinni stadiondan kuzatadi.
