РПЛ. "Ростов" сўнгги поғонадаги жамоани мағлуб эта олмади

Оренбург – Ростов 0:0

"Газовик"

Оренбург – Климович, Малых, Сиваков, Терехов, Зотов, Липовой, Кулишев, Шкофлек (Козлов, 89), Аюпов, Шахов, Чуканов.

Ростов – Песьяков, Осипенко, Хаджикадунич, Логашов (Попов, 46), Чернов, Норманн, Глебов, Мамаев, Ионов (Саплинов, 84), Долгов (Зайнутдинов, 46), Шомуродов (Прошляков, 68)

Огоҳлантириш: Малых (19), Норманн (44).

ЯНГИЛАШ

УЧРАШУВ ЯКУНЛАНДИ. "Ростов" 16-ўриндаги жамоани мағлуб эта олмади.

3 дақиқа қўшиб берилди.

87. ЗАРБААААААА!! Норманнинг ўнг қанотдан подачасидан кейин Саплинов боши билан зарба йўллади. Климович тўпни қийинчилик билан қайтарди.

83. УХХХХ!!! Ионовнинг ерлатиб дарвоза ёнига узатган пасини дарвозага тўғрилаб қўядиган "Ростов" футболчиси топилмади.

80. "Ростов" қийналмоқда. Чиндан ҳам бундай 3 қаватли ҳимоядан ўтиш осон эмас.

75. "Ростов" катта босим уюштирмоқда. "Оренбург" 11 киши бўлиб ҳимояланяпти. Аммо вазиятлар бўлмаяпти.

72. "Ростов"да қулай имконият юзага келганди. Қанотдан узатиб берилган тўп рикошет ҳосил қилмаганида Прошляков зарба беришга тайёр турганди.

68. Шомуродов ўз ўрнини Прошляковга бўшатиб берди. Элдор учун ўйин жуда ёмон ўтди дея оламиз.

63. Липовой чап оёғида чиройли зарба бераман деб ўйлаганди. Тўпни айлантириб, Роббен услубида тепмоқчи эди. Лекин Роббен майдонда йўқ)

59. Мамаевнинг зарбаси рақибига тегиб, майдонга қайтди.

56. Зарбаа!! Хажикадуничнинг зарбасини Климович муштлари билан қайтариб юборди!

54. Чукановнинг узоқ масофадан йўллаган зарбасини Песьяков ушлаб олди.

53. Зотовнинг зарбаси рақибига тегиб, тўп майдон чеккасига кетиб қолди.

51. Ўйин марказда ўтаётгани учун ёзишга арзигулик ҳеч нима йўқ.

46. Иккинчи бўлим бошланди! Илк дақиқаданоқ Осупенко "Оренбург" дарвозаси томон кучли зарба йўллади. Тўп дарвоза тўрининг ташқи томонига бориб тегди.

Биринчи бўлим якунланди.

45+1. Ионовнинг зарбасини Сиваков "подкати" билан қайтарди.

2 дақиқа қўшиб берилди.

44. Матиас Норманн тезкор қарши ҳужумни тўхтатгани учун сариқ карточка олди.

40. "Оренбург" сўнгги дақиқаларда ташаббусни қўлига олган.

36. Агарда бугун "Ростов" ғалабага эришадиган бўлса, келаси мавсумда еврокубокларда ўйнаши аниқ бўлади.

33. Кулишевнинг хавфли зарбасини Песьяков ушлаб олди.

30. Зотов марказда тўпни рақибидан олиб қўйди ва "Ростов" жарима майдончаси ичигача кириб бориб зарба берди. Тўп ҳимоячига тегиб, жарима майдончаси ташқарисига чиқиб кетди.

28. Жарима майдончаси ичида Норманнинг зарба йўллашига "Оренбург" ҳимоячилари йўл қўйишмади.

26. "Ростов" тезкор қарши ҳужумга ўтиб кетаётганди, кутилмаганда Долгов тўпни қўл билан ўйнаб юборди.

22. Ўйин жуда зерикарли ўтмоқда.

19. "Ростов" футболчисига қарши жуда қўпол ўйнагани учун Андрей Малих огоҳлантирилди.

17. ЗАРБААААААААА!!! Мамаев 25 метрлардан кучли зарба йўллади. Климович тўпни қайтарди. Ўйиндаги илк зарба.

15. Мамаев чап қанотдан тўпни марказга, рақиб жарима майдончаси ичидаги Шомуродовга тўпни оширганди. Лекин ҳимоячилар ўз ўрнида.

11. Фақат ва фақат пас кўряпмиз, ортиқча бирор нима йўқ.

7. Шкофлек ҳужумга ўтаётганди, бироқ ҳимоячилар хавфни бартараф этишди.

3. Яна жарима зарбаси. Мамаев тўп олдида. Павелнинг оширган тўпини Шахов боши билан қайтариб, аутга чиқариб юборди.

2. "Ростов"да илк дақиқалардан жарима зарбаси юзага келганди. Бироқ "подача"ни ҳимоячилар қайтариб юборишди.

1. УЧРАШУВ БОШЛАНДИ!

- Барча расмий тадбирлар ўтказилди.

- Жамоалар майдонга чиқиб келишмоқда.

- Ҳозирда "Локомотив" таркибида ўйнаётган Вадим Афонин айнан "Оренбург" таркибидан келганди. Жамоа ҳозирда сўнгги ўринда кетмоқда.

- Бугун кайфиятни бироз тушурган "Энергетик-БГУ"нинг ўрнини "Ростов" ғалаба билан тўлдириб кетишини, Шомуродов эса гол уришини истаяпман.

- Қадрли футбол мухлислари, Минскдан Оренбург томон етиб келдим) Ўйинни сизлар билан биргаликда Миржалол Норматов кузатиб бормоқда.