Xabaringiz bor, Ar Riyodda kechgan birinchi o'yinda 1:1 hisobi qayd etilgan. Finalning hal qiluvchi o'yinini ko'rish maqsadida kecha PFL Bosh direktori Omon G'ofurov Yaponiya tomon uchib ketdi. Demak, uchrashuvni PFL rahbari ham bevosita stadionda kuzatadi.
Eslatib o'tamiz, mazkur bahsni o'zbekistonlik hakamlar brigadasi boshqarib boradi. Bosh hakam - Ravshan Ermatov. Unga qanotlarda Abdulhamid Rasulov bilan Jahongir Saidov yordam berishadi. Mamur Saidqosimov esa zaxira hakami vazifasini bajaradi. Bundan tashqari, bu o'yinda darvozalar ortida ham hakamlar ishlaydi. Ular - Valentin Kovalenko va Ilgiz Tantashev.
