Bu o'yinda "Mashal" 5:0 hisobida zafar quchdi. Gap bunda emas. E'tiborli tomoni oliy liga debyutanti bo'lgan "Obod" klubining ikki futbolchisi penaltidan gol ura olishmadi. Uchrashuvning 15-daqiqasida Sanjar To'raqulovning 11 metrli jarima to'pidan yo'llagan zarbasini "Mashal" posboni Javohir Ilyosov qaytarishga erishdi. 82-daqiqada belgilangan penaltini Sherzod Jalilov amalga oshirdi. Biroq bu zarba noaniq ketdi.
Qizig'i "Obod" futbolchisi 9-turda "Neftchi"ga qarshi bahsda ham penaltidan gol ura olmagandi. O'shanda Pavel Solominning "nuqta"dan yo'llagan zarbasini posbon qaytarib qolgandi.
Shunday qilib, 3 marta penalti tepish huquqiga ega bo'lgan toshkentliklar ularning hech biridan foydalana olishmadi.
Ma'lumot uchun, "Obod" darvozasiga 5 marta penalti belgilangan va ularning 4tasi gol bilan tugagan.
Sanjar To'raqulovning zarbasi
Sherzod Jalilovning zarbasi
