UZ

Сўнгги янгиликлар

08:02Бугун 22:15. Ўзбекистон U-16 - Саудия Арабистони U-16  0 02:29Кечаги кун қаҳрамони ким? (ФОТО)   22 02:15“Фенербахче” – “Бешиктош” учрашувида бешта қизил карточка кўрсатилди  6 02:00“Ювентус” ҳамшаҳарларини тўртта гол билан “жазолади”+ФОТО  9 01:45Каталония дербисида “Барселона” йирик ғалабага эришди+ФОТО  18 01:17Неймар кунига 100 минг евродан кўпроқ ишлаб топади  7 00:49Миньоле АПЛда 8 та пеналтини қайтарди  7 00:05Обамеянг Бундеслигада африкалик футболчи рекордини такрорлади  6 23:44Афонин майдонга тушиши билан “Спартак” гол уриб, мағлубиятдан қутулиб қолди  7 23:36Ла Лига, 6-тур. Автоголлар эвазига "Барселона" йирик ғалабани нишонлади  72 23:25Бундеслига. "Боруссия" дарвозаси ишғол этилди, лекин...  9 23:25Англия чемпионати. “Голлар шоуси”да “Ливерпуль” ғолиб чиқди + ФОТО  24 23:13Гвардиола: “Саненинг голи муҳим эди”  6 23:11А Серия. "Наполи" машаққатли ўйинда ғалабага эришди  4 22:58Осиё ўйинлари. Футзал: Ўзбекистон терма жамоаси ярим финал йўлланмасини қўлга киритди  16

17 сен 11:26
Янгиликлар

"Насаф" мухлисларининг ЎФФ ва ПФЛ раҳбарларига мурожаати

"Насаф" футбол клубининг бир гуруҳ мухлислари ЎФФ ва ПФЛ раҳбарларига Ўзбекистон Кубоги финалини нейтрал майдонда ўтказиш бўйича хат билан мурожаат қилишди.
Ўзбекистон Футбол Федерацияси Президенти
Усманов Мираброр Зуфаровичга

Нусхаси: Ўзбекистон Профессионал Футбол Лигаси бошлиғи
Магаметов Фарҳод Абдуалиевичга

Ҳурматли Мираброр Зуфарович!



Мамлакатимизда Ўзбекистон Республикаси Президенти томонидан мустақилликка эришганимиздан сўнг футболга берилаётган эътибор ва ғамхўрлик туфайли футбол инфраструктураси жадаллик билан ривожланмоқда. Биз буни хорижлик меҳмонлар ва футбол бўйича мутасадди инсонларнинг эътирофларини ОАВ орқали ўқиб, кўриб турибмиз. Бу эътирофлар беихтиёр кишига ғурур бахшида этади.

Ўз ўрнида Сиз Ўзбекистон Футбол Федерациясига раҳбар бўлганингиздан кейин ўзбек футболида катта ижобий ўзгаришлар бошланди. Қолаверса бизнинг футболимиз жаҳон миқиёсида кўзга кўрина бошланди. Футболимиз катта ютуқларни қўлга кирита бошлади. Бу ҳам биз футбол мухлисларининг қувончига қувонч қушмоқда. Бу меҳнатларингизни биз мухлислар чуқур ҳурмат қиламиз. Мана шундай фаолиятингизда асло чарчаманг деймиз.

Энди ушбу мурожаатимизни асли мақсадига кучсак. Ҳозирги кунда юртимизда футбол мусобақаларини юқори даражада ўтказиш учун жуда катта ишлар қилинмоқда. Хабарингиз бор, 25 сентябрь куни 2013 йилнинг Ўзбекистон Кубоги финали бўлиб ўтади. Ушбу нуфузли мусобақанинг тарихига эътибор қаратсак, фақатгина бир марта Тошкент шаҳридан бошқа жойда яъни Самарқанд шаҳрида ўтказилган экан. Тўғри, бу ҳақда Кубок финали фақат Тошкент шаҳрида ўтказилиши ПФЛ регламентида белгилаб қўйилган, аммо бошқа давлатларда шундай мусобақаларни нейтрал жойларда ўтказиш учун олдиндан конкурс эълон қилинади, яъни ўз шаҳрида ўтказишни ҳоҳлаганлар ўртасида танлов бўлиб ўтади. Бу албатта шундай футбол учрашуви чиройли ва ташкилий жиҳатдан юқори даражада ўтишини таъминлайди. Афсуски, бизда Кубок финали гўёки оддий футбол учрашувидек ўтиб кетади. Кейинги йилларда шу финални қандай ўтганлигини “Пахтакор” стадионида гувоҳи бўлаяпмиз. Мухлислар жуда кам ташриф буюришади ва ташкилотчилар ҳам бу финалга панжа орасидан қарашади ҳамда ими-жимида ўтказиб юборилади. Бу албатта мамлакатимизда футболни ташвиқот қилиш Ўзбекистон Кубоги финалидек учрашувни нуфузи жуда пасайиб кетишига сабаб бўлмоқда.

Афсуски, шу учрашувга вилоятдаги футбол мухлисларида қизиқиш пойтахтлик мухлисларга кўра жуда катта, бу ҳали ҳам давом этмоқда. Буни эътиборга олсангиз жуда яхши иш бўлар эди.

Тўғри, бу йил давогар шаҳарлар ўртасида танлов эълон қилишга кеч бўлди. Аммо Сизнинг қарорингиз билан ушбу финални Тошкент шаҳридан бошқа жойда ўтказиш учун имкон бор. Финални Самарқанд ёки Бухоро шаҳрида ўтказиш таклифини олдинга сўрмоқчимиз, бунинг учун ушбу шаҳарлардаги стадионлар талабга тўлиқ жавоб беради, деб ўйлаймиз. Ўз ўрнида ишонинг бундай ҳолатда юртимиз футбол ишқибозларининг Федерацияга бўлган ҳурмати ҳам анча ошган бўлар эди. Зеро, мамлакатимиз мухлислари фикрича, Ўзбекистон Кубоги финали фақат пойтахтда ўтказилгани учун гўёки ушбу соврин доимо пойтахт футбол клубларига мулжаллангандек кўринади.

Мана Қарши шаҳрининг “Насаф” жамоаси кетма-кет учинчи марта Ўзбекистон Кубоги финали иштирокчиси бўлаяпти. Ўзбекистон Кубоги финалига уч марта йўлланма олган “Насаф” клуби стадионида ўтказилса ҳам арзийди деб, ҳисоблаймиз. Бизда мутлақо Кубок финали бошқа жойда ёки Қарши шаҳрида ўтказилса “Насаф” жамоаси ушбу кубокни эгасига айланади деган фикр йўқ. Қолаверса, ОФКдек юқори нуфузга эга ташкилот ОФК кубогини Қарши шаҳрида ташкил этганидан хабарингиз бор. Ким шундай нуфузли совринга лойиқ бўлса, шу клубга насиб этсин. Биз мухлисларнинг илтимосимиз фақат финал нейтрал жойда ўтказилсин. Ташкилотчилик юқори даражада бўлсин. Стадион мухлисларга тўлсин. Барча футбол ишқибозларида ана шундай мусобақа жуда юқори даражада ўтказилганида ижобий фикрлар пайдо бўлсин. Ўзимизни футболга бўлган қизиқиш янада ортсин, деймиз.

Хатимиз охирида Сизга чуқур ҳурматимизни изҳор қилган ҳолда, мустаҳкам соғлик ва оғир меҳнатингизда Сизга куч-қувват тилаб,

Қарши шаҳрилик бир гуруҳ футбол ишқибозлари. 14 сентябрь 2013 йил.

Изоҳ: хатга 15 киши имзо чеккан.
Рейтинг:    

Фикрлар

< сўнгги янгиликларни кўриш

Энг яхшилар

"ЧатBall" лойиҳасининг бугунги кун мавзуси: Келинг танишайлик! "ЧатBall" лойиҳасининг бугунги кун мавзуси: Келинг танишайлик!
Янги лойиҳамиз ҳақида хабар берган эдик. Сайтимиз ўқувчилари, айнан...  346
Олий лига. 22-тур. "Насаф"дан 6:0, "Қўқон-1912"дан 0:3, "Нефтчи" яна юта олмади Олий лига. 22-тур. "Насаф"дан 6:0, "Қўқон-1912"дан 0:3, "Нефтчи" яна юта олмади
Бугун олий лигада 22-тур ўйинлари давом эттирилди.  275
Дахшатли сенсация! "Реал Мадрид" ўз уйида "Бетис"га ютқазди Дахшатли сенсация! "Реал Мадрид" ўз уйида "Бетис"га ютқазди
Испания чемпионати доирасидаги "Реал Мадрид" –...  289
Олий лига. 22-тур. "Локомотив" "Пахтакор"га ютқазди ва бошқа ўйинлар Олий лига. 22-тур. "Локомотив" "Пахтакор"га ютқазди ва бошқа ўйинлар
Бугун олий лигада 22-турнинг дастлабки учта учрашуви бўлиб ўтди.  249
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: