Унда мағлуб бўлган "Андижон" жамоаси бош мураббийи Самвел Бабаян ишдан кетди деган хабарлар тарқалди.
Championat.asia сайти бош муҳаррири Нарзулла Сайдуллаевнинг маълумотига кўра, кеча Андижон вилояти ҳокими жамоа кийим алмаштириш хонасига кирмаган ва мураббий билан бу борада гаплашмаган. Кечаги баҳсдан кейин "Андижон" жамоаси аъзолари бугун дам олишган. Эртага футболчилар 7-турга тайёргарликни бошлашади. Катта эҳтимол билан айнан эртага, 9 апрель куни Самвел Бабаяннинг кейинги тақдири ҳал бўлади.
Маълумот учун, "Андижон" бу йил Бабаян қўл остида 6 та ўйин ўтказиб 4 марта мағлуб бўлди ва 2 та ғалабага эришди. Йил аввалида вилоят ҳокими томонидан "Андижон" жамоаси олдига минимум учинчи ўринни эгаллаш вазифаси қўйилган эди.
