ТАСС агентлигининг хабар беришича, Франциянинг “Монако” клуби футболчиси жароҳати туфайли Россия миллий терма жамоасининг ноябрь ойидаги йиғинига қўшилмайди.
“Головин миллий терма жамоага келмайди. Унинг ўнг болдир мушагида жароҳат бор”, – деди агентлик манбаси.
Футболчининг агенти Александр Клюев ҳам ушбу маълумотни тасдиқлади.
“Сашада жароҳат бор. У миллий терма жамоанинг ноябрь ойидаги йиғинини ўтказиб юборади. Тикланиш муддати бўйича ‘Монако’ тиббий штабидан маълумот кутяпмиз”, – деди Клюев.
Эслатиб ўтамиз, 30 ёшли футболчи 8 ноябрь куни Франция чемпионатининг “Ле-Ман”га қарши учрашувида (1:1) жароҳат олиб, 54-дақиқада алмаштирилган эди.
Головин Россия терма жамоасининг Ўзбекистон ва Венесуэлага қарши учрашувлар учун эълон қилинган таркибидан жой олганди.
Маълумот учун, Ўзбекистон – Россия ўртоқлик учрашуви 12 ноябрь куни Тошкентдаги “Пахтакор” марказий стадионида соат 20:00 да бошланади.
