26 ёшли япониялик футболчи 2030 йил 30 июнгача мўлжалланган шартномага имзо чекди. У клуб тарихидаги илк япониялик футболчи бўлади.
Трансфер суммаси 1 миллион еврони ташкил этди. Яна 19,5 миллион еврогача бўлган маблағни "Лион" бонуслар сифатида тўлаб бериши мумкин. Шунингдек, "Реймс" футболчининг келажакдаги эҳтимолий қайта сотуви фойдасидан 12,5 фоиз улуш олади.
"Мен "Лион"га қўшилганимдан жуда хурсандман. Бу — буюк клуб. Ушбу либосда майдонга тушиш ва жамоага фойда келтиришни сабрсизлик билан кутяпман. Мен клуб тарихидаги биринчи япониялик бўлганимни билдим. Бу мен учун жуда муҳим ва ўз мамлакатим номини имкон қадар муносиб ҳимоя қиламан деган умиддаман", – деди Накамура.
Transfermarkt портали футболчининг қийматини 12 миллион еврога баҳоламоқда.
Накамура "Реймс" сафида 2023 йилдан бери тўп тепиб келаётганди. У 97 та ўйинда майдонга тушиб, 30 та гол урган.
