UZ

Сўнгги янгиликлар

16:41"Саутгемптон" йиғинга ван Дейкни олиб кетмади. Футболчи "Ливерпуль"га ўтадими?  1 16:16Ҳафтанинг спортга оид энг ажойиб суратлари  3 16:10"Реал" Данило ўрнига футболчи харид қилмайди  6 16:03Футзал. Клублар ўртасидаги ОЧ. "C" гуруҳидан Эрон ва Япония чемпионлари чорак финалга чиқди + ФОТО  0 15:53Пикенинг суратига қарамай, Неймар ҳали якуний қарор қабул қилгани йўқ  13 15:22Aleziya.com: Бугун "Интер" - "Лион" ўйини тўғридан-тўғри намойиш этилади  7 15:04Спорт. Майкл Фелпс акула билан пойга ўйнади (+ВИДЕО), Мэйвезер Конор билан жангда тизза ёки тирсак зарбасидан қўрқмайди  0 14:54Ўртоқлик учрашуви. "Олмалиқ" - "Торпедо-Белаз" (видео)  2 14:49"Олмалиқ": Бугун Минскда сўнгги назорат ўйинини ўтказамиз  3 14:42Breaking: Бернардески "Ювентус"да тиббий кўрикдан ўтиш учун Туринга келди + ФОТО  6 14:27Данило "Манчестер Сити"да қайси рақам остида ўйнайди?  3 13:29Футзал. Клублар ўртасидаги ОЧ. "B" гуруҳи 2-тур натижалари + ФОТО  2 13:27"Сўғдиёна": "Нефтчи" билан ўртоқлик учрашуви ўтказилди  23 13:14"Барселона" Неймарнинг маошини кўтармайди  12 13:11Спортчилар ижтимоий тармоқларда  9

08 окт 09:39
Янгиликлар

Мўйдин Мамазулумов: «Ғалабани Ашурматовга бағишладик»

«Гулистон» клуби узоқ кутилган ғалабасини қўлга киритди.
Кетма-кет мағлубиятлар туфайли аҳволини қийинлаштириб олган ушбу жамоа ўз майдонида «Навбаҳор»ни қабул қилиб 2:1 ҳисобида муваффақият қозонди. 

Клубга иккинчи даврада қўшилган тажрибали ҳужумчи Мўйдин Мамазулумов ушбу учрашувда яна ўзини кўрсата олди. У жамоадаги ҳозирги қийин шароитда ҳам тушкунликка тушмасдан бор имкониятини ишга солиб «Гулистон»га ёрдам бераётгани эътиборга моликдир. У наманганликларга қарши беллашувда ҳам ўзини ҳар томонлама кўрсатишга ҳаракат қилди. Натижада учрашувдаги биринчи гол муаллифига айланди. 7та учрашувда 6та гол уриш бу ҳужумчи учун яхши натижа. Мамазулумовнинг ушбу кўрсатгичи мақтовга лойиқ десак янглишмаймиз. Футболчи бундай кўрсатгичга эришаётганини мураббийнинг ишончи билан изоҳлади.

-Кетма-кет мағлубиятлардан кейин «Гулистон» қийин аҳволга тушиб қолганди. Ниҳоят «Навбаҳор» билан учрашувда омад кулиб боқди. Айтингчи, ғалаба ниманинг эвазига қўлга киритилди?

-Айни пайтда жамоамиз қийин аҳволда турибди. Устига-устак молиявий томондан ҳам муаммоларимиз бор. Агарда Бахтиёр Ашурматов бўлмаганида биз ҳам «Навбаҳор»га қарши майдонга тушмаслигимиз мумкин эди. Жамоамиз аъзолари билан бош мураббийга қаттиқ ишонишимизни, бу сафар ғалаба учун боримизни беришимизни айтиб у кишини олиб келдик. Шу сабабли «Навбаҳор» устидан қозонилган ғалабамизни Ашурматовга бағишлаймиз. Шуни алоҳида айтмоқчиманки, айнан Бахтиёр ака учун ҳам наманганликларга қарши қўшимча икки ҳисса куч билан ўйнадик. 

-Ўтган турдаги йирик ҳисобдаги мағлубиятдан кейин Ашурматов ишдан кетишини айтиб истеъфога чиққанди. Лекин мураббийнинг яна қайтиши жамоани яхшигина руҳлантирибди-да!
-«Шўртан»га 3:0 ҳисобида ютқазганимиздан сўнг мураббий жахли чиқиб ишдан кетишини айтганди. Ўша куни биз чиндан ҳам рақибдан бўш ўйин намойиш этдик. Шу боис бош мураббийнинг эътирозлари асосли эди. Шу боис бор эътиборимизни «Навбаҳор» билан ўйинга қаратамиз деб Ашурматовга сўз бергандик. Табиийки, сўзимизнинг устидан чиқиш учун ҳам «Навбаҳор»ни ютишимиз керак эди.

-«Гулистон» асосан биринчи бўлимда яхши ўйин кўрсатарди. Лекин иккинчи бўлимда жисмонан толиқиш кузатилганига кўп гувоҳ бўлганмиз. Натижада дуранг ёки ғалаба қўлдан чиқариларди. Лекин «Навбаҳор»га қарши беллашувда охирги дақиқаларда ғалаба тўпини киритдинглар.
-Ўзимиз учун ҳам, мураббий учун ҳам майдонга чиқиб бор кучимиз билан ўйнадик. Рақиб дарвозасини ишғол этганимиздан кейин ўзимизга бўлган ишонч янада ортди. Аммо улар ҳисобни тенглаштиришгач иккинчи бўлимда бироз қийналдик. Хаттоки ютқазиб қўйишимиз ҳам ҳеч гап эмасди. Аммо дарвозабонимиз 2-3 марта қийин вазиятларда жамоамизни аниқ голлардан сақлаб қолди. Дарвозабон ярим жамоа деб бежизга айтишмайди. Ушбу учрашувда таркибимизда йўқотишлар кўп эди. Айниқса, ҳимояда муаммолар етарлича. Лекин жамоамиз ахллигини исботлаб ғалабага эришдик.

-Иккинчи даврада «Гулистон»га қўшилиб олтинчи голингиз урдингиз. Сермаҳсуллигингиз нима билан боғлиқ?
-Биринчи навбатда ўйинчига нисбатан мураббийнинг ишончи бўлиши керак. «Олмалиқ»да тўп сурган пайтимда менга доимо ишонч билдиришгани учун бир мавсумда 10тадан кам гол урмасдим. Аммо биринчи даврада негадир «Олмалиқ»да менга унчалик ишонишмади. Бор йўғи битта гол урдим холос. Бунинг устига бир марта «Нефтчи»га қарши учрашувда асосий таркибда майдонга тушдим. Ҳес бўлмаганда 7-8та ўйинда асосий таркибда ўйнаганимда табиийки голларим сони ҳам кўпайган бўларди. Иккинчи даврада «Гулистон»га келдим ва ҳамма учрашувда асосий таркибда майдонга тушяпман, 7та учрашувда 6та гол урдим. Имкониятим бўляпти ва гол уряпман. Фақат футболчга ишонч билдирса бўлди. Мана менга Бахтиёр Ашурматов ишоняпти, гол уряпман-ку!

-Жамоага келибоқ етакчи футболчига айландингиз. Нисбатан рақобатдан ҳолидек кўриняпсиз. Бу ҳақида нима дейсиз?
-Рақобат бор жойда ўсиш бўлади деб бекорга айтишмаган. «Гулистон»ни биринчи даврада бир қатор ўйинчилар тарк этишди. Масалан Носир Отақўзиев кетгач унинг ўрнига келдим. Шунингдек, ҳужумда ўйнайдиган Алишер Шоғуломов ҳам бор. Ёшлар лигаси сафида тўпурар бўлиб келаётган ёш умидли ҳужумчи – Дилмуҳаммад Худойбердиев ҳам бор. Бу ерда ҳам ўзига яраша рақобат мавжуд. «Гулистон»даги ҳар бир футболчининг таланти бор.

-Қўлга киритилган муҳим ғалабадан кейин жамоа руҳий жиҳатдан кўтарилиши аниқ. Шундай экан, имконият ҳақида нима деган бўлардингиз?
-Биринчи навбатда «Навбаҳор»ни ютиш ҳақида ўйлагандик ва бунга эришдик. Энди кейинги турда Бухорога борамиз. У ерда ҳам ўз ўйнимизни кўрсатиб очко олишга ҳаракат қиламиз.


Шуҳртабек ЖЎРАЕВ суҳбатлашди.
Рейтинг:    

Фикрлар

< сўнгги янгиликларни кўриш

Энг яхшилар

Диёр Имомхўжаев: Мени “Зоб Оҳан” қизиқтирмайди. Хитой ва Кореяни нима қиламиз? Диёр Имомхўжаев: Мени “Зоб Оҳан” қизиқтирмайди. Хитой ва Кореяни нима қиламиз?
Ўзбекистон терма жамоасининг “Зоб Оҳан”га имкониятни бой бериши...  128
Cергеевнинг голи терма жамоамизга ғалаба келтирди Cергеевнинг голи терма жамоамизга ғалаба келтирди
Туркияда ўқув йиғин машғулотларини ўтказаётган Ўзбекистон миллий...  105
Диёр Имомхўжаев: Бўрилар рақобатлашаверсин, терма жамоага чўпон керак Диёр Имомхўжаев: Бўрилар рақобатлашаверсин, терма жамоага чўпон керак
Бабаян “Обод”ни олса нима бўлади, деб кўп савол беришди. Мен зўр...  87
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: