UZ

Сўнгги янгиликлар

10:53МЮдан навбатдаги юриш. Инглизлар 90 миллион евролик трансферни амалга оширишга тайёр  2 10:25«Барселона» Дани Ольмо бўйича музокараларни бошлади. Каталонияликлар қанча таклиф қилгани маълум  6 09:57«Атлетико» икки нафар Европа чемпионлари билан шартнома тузмоқчи  0 09:28Месси ХХI асрнинг энг яхши спортчилар рейтингининг ТОП-3лигидан жой олди. Роналду эса…  13 09:00Слот «Ливерпуль» бошқарувидаги дебют ўйнида Чемпионшип вакилига мағлуб бўлди  2 08:31«Пахтакор»нинг яна бир футболчиси «Металлург»га ижарага берилди  1 08:05АПЛ. Ким энг кўп ойлик олади?  1 07:37«Манчестер Юнайтед» олти нафар футболчисини сотишга тайёр  3 02:35Тожикистон футзал терма жамоаси бош мураббийи: "Бугун кучлироқ жамоа ғалаба қозонди"  1 01:38Хосе Венансио Лопес: "Адолатли натижа қайд этилди. Жорий йиғин давомида кўпроқ ҳимоя чизиғини яхшилаш ҳаракатидамиз"  2 01:05ОФК президенти Париж Олимпиадасида Осиё номидан иштирок этувчи терма жамоалар ва мусобақа расмийларига табрик йўллади  0 00:46Трент Беллингем билан дўстлиги сабаб "Реал Мадрид"га ўтиши мумкин  1 00:10"Сўғдиёна" Суҳроб Иззатов ва Умид Султонов трансферини эълон қилди  3 23:46"Локомотив" ўртоқлик ўйинида Қувайт клубига имкониятни бой берди  2 23:18"Динамо"да кўрикдан ўтаётган бразилиялик вингерга жавоб берилди  3

Миржалол Қосимов: "Нестеровнинг майдонга чиқиш-чиқмаслиги эртага маълум бўлади" Янгиликлар

Миржалол Қосимов: "Нестеровнинг майдонга чиқиш-чиқмаслиги эртага маълум бўлади"

“Бунёдкор” – “Бурирам Юнайтед” учрашувидан олдинги матбуот анжуманининг иккинчи қисмида “қалдирғочлар” иштирок этишди.
- Бизни муҳим ва қийин ўйин кутиб турибди. Боиси, биринчи ўйинда ютқаздик. Рақиб яхши шаклланган, кучли жамоа. Бу жамоа гуруҳда Япония ва Хитой клубларини ортда қолдирди. Олдимизда чорак финалга чиқиш вазифасини қўйганмиз. Меҳмонда ҳам ёмон ўйин кўрсатмадик. Лекин иккита хато туфайли гол ўтказиб юбордик. “Бурирам” ўз ўйида бешта ҳимоячи билан ўйнади. Сафарда ҳам бизнинг ўйинимизни бузишга ҳаракат қилади. Мен эса ўз шогирдларимга ишонаман. Умид қиламан, биз ўзимизга керакли натижани қўлга киритамиз, - дейди Миржалол Қосимов.

- Олександр Пишур ўтган ўйинда асосий таркибда майдонга тушмади. Бунинг сабаби нимада?

- Узоқ йўл босиб ўтилгани учун у ўйинга тўлиқ тайёр эмасди. Биринчи бўлимда Камолиддин Мурзоев ҳужумда масъулиятни ўз зиммасига олиши керак эди. Иккинчи бўлимда кутилмаганда жарима тўпидан гол ўтказиб юбордик. Натижада Пишурни майдонга туширишга қарор қилдим. Битта таркиб билан йил давомида ўйнаб бўлмайди. Имкон қадар барчага ўйин амалиётини бериш керак.

- Игнатий Нестеровни эртанги ўйинда кўришимиз мумкинми?

- Игнатий ҳали ўйинга тўлиқ тайёр эмас. Олдимизда бир кун вақт бор. Нестеровнинг майдонга чиқиш-чиқмаслиги эртага маълум бўлади. Ҳозирда шифокорлар асосий дарвозабонимизни тайёрлашга ҳаракат қилишяпти. Биринчи ўйинда Муроджон Зухуров яхши ўйнади. Унинг анчадан бери ўйин амалиёти йўқлигини ва ўйин сафарда бўлганини инобатга олсак, у ёмон ўйнамади.

- “Бурирам Юнайтед” жамоаси ҳақида нима дея оласиз?

 - Жамоада яхши таркиб йиғилган. Яхши савиядаги маҳаллий ва хорижлик футболчилар бор. Гуруҳ босқичи давомида жамоа жуда тартибли ўйин кўрсатиб, мураббийнинг барча кўрсатмаларига тўлиқ амал қилди. Биринчи ўйинда 7 ва 8-рақамли футболчилар дисквалификация туфайли ўйинни ўтказиб юборди. Еттинчи рақамли, испаниялик легионер яхши ўйинчи эканини гуруҳ босқичи ўйинларида кўрдик. Улар эртага ўйинга тушиб, жамоа ўйинини кучайтиришса керак. Шунга қарамай, биз ўз олдимизга қўйилган вазифани уддалашга ҳаракат қиламиз.

- Жамоа гуруҳ босқичида уй учрашувларида ғалаба қозона олмади. Бунга эса, қайсидир маънода, майдон ҳолатининг яхши эмаслиги ҳам сабаб бўлганди...

 - Гуруҳдаги ўйинларга эътибор қаратсак, ўз уйимизда учта дуранг ўйнадик. Сафарда эса иккита ғалаба ва битта дуранг қайд этдик. Таиланддаги сафар ўйинида ютқаздик ва энди навбат ўз уйимиздаги ғалабага келди (кулади). Майдоннинг ҳолати анча яхшиланди, лекин ҳали 100 фоизга эмас.

- Нестеровдан ташқари яна бошқа йўқотишлар борми?

 - Бор. Футбол тўқнашувли спорт тури. Анвар Ғофуров ва Фозил Мусаевда ҳам жароҳат бор. Эртага қайси футболчиларнинг майдонга тушиши шифокорлар билан бўлиб ўтадиган сўнгги суҳбатдан сўнг маълум бўлади.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика