"O'yin qiyin kechishini bilardik. "Olimpik-MobiUz" – sifat va tezlik bobida ajralib turadigan, hujumkor o'ynaydigan jamoa. Bu o'zbek futboli uchun foydali", – dedi Yelichich.
- Diyorjon Turopovning chetlatilishi bilan bog'liq vaziyat haqida nima deya olasiz?
- Bu haqda gapirish qiyin. Har doim intizomli bo'lish kerak. Buni o'yindan oldin ham takidlagandik. Biz hakamning qaroriga qarshi borolmaymiz. Ular jarayonda hammasidan boxabar bo'lib turishadi.
- Ikkinchi bo'limda vaziyatlar juda kam edi. Bu chetlatish tufaylimi yoki boshqa sababi bormi?
- Bir kishi kam bo'lib qolganingizda, hammasi o'zgarib ketadi. Rejalar o'zgaradi. Bunda jismoniy holatni inobatga olish muhim. To'g'ri qarorlar qabul qilish ham talab etiladi. Vaziyatni o'rganib chiqamiz va kamchiliklar ustida ishlaymiz.
- "Lokomotiv" keyingi turda "Aral"ga qarshi o'ynaydi. Ular hozir 1-o'rinda. O'yin qanday kechadi deb o'ylaysiz?
- Har bir o'yin og'ir o'tadi. Oson o'yinning o'zi yo'q. Har bir jamoada o'z uslubi bor. Hammada maqsad va vazifalar mavjud. "Aral" bilan jismoniy kuchga tayangan, yaxshi o'yin bo'ladi.
