Месси Рамос ҳақида: "У билан жамоадош бўлиш – ажойиб. Серхио яхши инсон"

– Испанияда рақиб сифатида ўтган йиллардан кейин Серхио Рамос билан бир кийиниш хонасида бўлиш, бир клуб шарафини ҳимоя қилиш сизга қандай таъсир қилмоқда?
– Ҳозир ҳаммаси жойида, бошида бироз ғалати эди. Ахир биз узоқ вақт давомида "Барса" ва "Мадрид" сардори сифатида ҳаракат қилганмиз, қанча "Класико"ларда тўқнаш келганмиз, жанжаллар...

Бироқ бунинг барчаси ўша ерда қолиб кетган. Биз доим бир-биримизни ҳурмат қилганмиз. Бугунги кунда у билан елкама-елка ҳаракат қилиш – ажойиб воқеа. Секин-аста у сафимизга қўшиляпти ва ўз спорт формасини тиклаб бормоқда. Умид қиламанки, у тезроқ аввалги Рамосга айланади ва шунда биз олдимизга қўйилган вазифалар сари бирга интиламиз.