"Мен Кореяга келганимдан бахтиёрман". "Чоннам Драгонс" Ўзбекистон терма жамоаси футболчисини ўз сафига қўшиб олди

"Чоннам Драгонс" хабари:

Олег МТЖда илк бор 2012 йилда, 22 ёшида дебют қилган. Ҳозиргача у термада чап қанот ҳимоячиси сифатида 24та ўйинда майдонга тушиб, 1та гол уришга эришган.

Олегнинг кутилмаганда кесувчи паслари, фаоллиги ва "Чоннам"нинг ҳужумини жонлантириши кутилмоқда. Унда ўткир чап қанот зарбаси бор. Шунингдек Зотеев бой тажрибаси билан ўйинни бошқара олиш хусусиятига эга.

Футболчи ҳар бир ўйинда 11 кмдан ортиқ югуради. Жуда яхши ҳимояланади ва паслари аъло даражада, шунингдек иккинчи қаватда ҳам ёмон эмас.

COVID-19 дунёнинг иммиграция борасида вазиятини оғирлаштирди ва кўплаб Жанубий Корея клублари чет эллик ўйинчиларни жалб қилишга қийналишмоқда. Олегни "Чоннам"га олиб келиш ҳам осон кечгани йўқ. Турли йўллар қидирилди ва Олег Кореяга келди. Икки ҳафталик изоляциядан сўнг футболчи тиббий кўрикдан ўтди "Чоннам Драгонс" билан шартнома имзолади.

"Мен Кореяга келганимдан хурсандман. Мен анчадан бери К-лига ўйинларига қизиқардим, видеоларни кўрардим. Кетиш ҳақида таклиф бўлганда кўпроқ маълумотни қидирдим ва бу жамоага ёрдам бера оламан деб ўйладим. Тезроқ жамоага мослашишга ва уни кучайтиришга ҳаракат қиламан", - дейди жамоанинг янги ўйинчиси.