Мбаппенинг азалий орзуси ушалди
27 авг 2024 12:31
Янгиликлар

Мбаппенинг азалий орзуси ушалди

"Реал" янги футболчиси Килиан Мбаппе жамоанинг уй стадионида бўлиб ўтган биринчи ўйиндан сўнг ҳис-туйғулари билан ўртоқлашди.

Футболчининг айтишича, "Сантьяго Бернабеу"да ўйнаш унинг узоқ йиллик орзуси бўлган.

"Сантьяго Бернабеу"даги дебютимдан жуда хурсандман. Биз ғалаба қозониб, уч очко олдик, бу ажойиб оқшом эди.
Мухлислар зўр қўллаб-қувватладилар. Ҳаммага раҳмат. Бу эътиборга молик лаҳза бўлди, биз биринчи уй учрашувида ғалаба қозонишни хоҳлагандик ва шунга эришдик. Бундан кейин ҳам кўплаб ютуқларга эришиш ниятидамиз.
Ўзимни қандай ҳис этдим? Яхши. Албатта, "Реал" учун "Сантьяго Бернабеу"да ўйнаш менинг орзум эди. Энди биз янада кўпроғига интиламиз. Пайшанба куни навбатдаги ўйинимиз бор ва биз яна ғалаба қозонамиз", – деди Мбаппе.

"Қаймоқранглилар" Испания чемпионатининг 2-турида "Вальядолид"ни қабул қилиб, 3:0 ҳисобида зафар қучди. Мбаппе самарали ҳаракати билан ажралиб турмади.

"Реал"нинг навбатдаги ўйини 30 август куни "Лас Пальмас"га қарши бўлиб ўтади. Учрашув Тошкент вақти билан 00:30 да бошланади.

Ҳавола :

Манба : The New York Times

Янгиликларни Телеграмда ўқинг!

Рейтинг: +3