Садио Мане мюнхенликлар сафидаги дастлабки 2 ўйинда гол урди. У кеча франкфуртликлар дарвозасини ишғол этган бўлса, бир неча кун олдин эса Германия Суперкубогида "РБ Лейпциг" (5:3)га тўп киритганди.
Шу тариқа, Мане “Бавария” сафида бундай натижа кўрсатган Марио Манжукичдан кейинги илк футболчига айланади. Манжукич 2012/13 йилги мавсум “қизиллар” сафидаги дастлабки 4 ўйинда гол уришга эришган.
Эслатиб ўтамиз, Мане ёзги трансферлар вақтида “Ливерпул”дан Бундеслига гранди таркибига келиб қўшилди ва мюнхенликлар билан 2025 йилгача шартнома имзолади.
