Луиш Фигу самолёт бортида футбол ўйнади. Бу ўйин Гиннеснинг рекордлар китобига киритилди
30 сен 2022 00:02
Янгиликлар
Луиш Фигу самолёт бортида футбол ўйнади. Бу ўйин Гиннеснинг рекордлар китобига киритилди
Ўйинчиларга вазнсизлик ҳолатига ўхшаш шароит яратилди.
"Барселона", "Реал Мадрид" ва Португалия терма жамоаси собиқ ўйинчиси Луиш Фигу тарихдаги энг юқори баландликда ўтказилган футбол учрашувида иштирок этди. Бу ўйин махсус жиҳозланган самолёт бортида ўтказилди. Фигу ва яна еттита ўйинчи ҳавога кўтирилишди ва тўртга тўрт футбол ўйнашди.
Учрашув давомида самолет вазнсизлик ҳолати эффектини берувчи траекторияда учди. Якунда Фигунинг жамоаси 2:1 ҳисобида ғалаба қозонди. Луиш битта гол уришга ҳам эришди.
Ушбу антиқа футбол учрашувида қатнашган ҳар бир ўйинчи Гиннеснинг рекордлар китоби вакилларидан махсус мукофотлар қабул қилиб олишди. Ўйин эса тарихдаги энг юқорида ўтказилган (6166 метр баландлик) ўйин сифатида Гиннеснинг рекордлар китобига киритилди.
Ўхшаш янгиликлар
championat.asia
Ла Лига. "Барселона" сафарда "Реал Мадрид" дарвозасига жавобсиз тўртта тўп киритди
Суперлига. "Насаф" дарвозабони томонидан 101-дақиқада урилган гол Қарши клубига "Динамо" устидан ғалаба қозонишига ёрдам берди
"Олтин тўп" маросими
Нарзулла Сайдуллаев: "Фанатизм"
Фикрлар