Лерой Сане: "Кучли жамоа эканимизни ҳамма билади"
13 мар 04:34
Янгиликлар

Лерой Сане: "Кучли жамоа эканимизни ҳамма билади"

"Манчестер Сити" ярим ҳимоячиси Лерой Сане "Эттихад" стадионида бўлиб ўтган "Шальке"га қарши учрашувдан (7:0) кейин ўз фикрлари билан ўртоқлашди.

"Оғир ўйин бўлишини аввалдан сезгандик. Биз фақат ўз ўйинимизни ушлаб қолишга ҳаракат қилдик. Бўш ҳудудлар топиш учун нима қилиш кераклигини билиб турдик ва биринчи голдан сўнг ушбу мақсадимизни амалга оширдик.

Ҳужумда кучли ва тажовузкор жамоа эканимизни ҳаммма билади. Лекин, биз шуни ҳам эсдан чиқармаймизки, яна ва яна узоқроққа борганинигиз сари вазият қийинлашиб боради. Чемпионлар лигаси - қийин мусобақа ва ушбу турнирда кучли рақибларга қарши ўйнайсиз. Аммо, бизга ўйинлар қандай бўлишини кўриш ҳузур баҳш этади", — дея Сане ўз фикрларини УЕФА расмий сайтига билдирди.

Германиялик ярим ҳимоячи собиқ клубига қарши ўйиннинг 42-дақиқасида ўз номини таблога ёздириб қўйди ва баҳс давомида 3 маротаба голли узатма муаллифига айланди.

Ҳавола :

Манба : uefa.com

Янгиликларни Телеграмда ўқинг!

Рейтинг: +9