Mazkur marosim Toshkent vaqti bilan soat 21:00da boshlanadi.
Unda Yevropa chempionlar ligasining guruh bosqichiga chiqqan 32 jamoa 4tadan 8ta guruhga bo'lingan holda ajratiladi. Qur'a qoidalariga ko'ra, jamoalar to'rttadan korzinkaga ajratib chiqilgan. Unga ko'ra, bitta korzinkadagi jamoalar o'zaro guruhda to'qnash kelishmaydi. Qoidaga ko'ra, bitta chempionat vakillari ham guruhda o'zaro tushib qolishmaydi. Mazkur holat qur'a jarayonida istisno qilinadi.
Eslatib o'tamiz, 26 jamoa guruh bosqichiga to'g'ridan-to'g'ri chiqqan bo'lsa, qolgan 6 jamoa nomi kvalifikaciya raundi orqali aniqlandi. Kuchli-beshlikdagi Angliya, Germaniya, Italiya va Ispaniya chempionatida o'tgan mavsum 1-4 o'rinlarni egallagan jamoalar hech qanday kvalifikaciya yoki saralash o'yinlarisiz musobaqaga ishtirok etish huquqini qo'lga kiritishgan.
Yevropa chempionlar ligasining yangi mavsumi ishtirokchilari
Shuningdek, bugungi marosimda quyidagi nominaciya bo'yicha g'oliblar aniqlanadi:
• O'tgan mavsum yakunlariga ko'ra UEFAning eng yaxshi futbolchisi
• O'tgan mavsum yakunlariga ko'ra UEFAning eng yaxshi ayol futbolchisi
• YCHL 2018/19 mavsumining eng yaxshi darvozaboni
• YCHL 2018/19 mavsumining eng yaxshi himoyachisi
• YCHL 2018/19 mavsumining eng yaxshi yarim himoyachisi
• YCHL 2018/19 mavsumining eng yaxshi hujumchisi
Eslatib o'tamiz, o'tgan mavsum yakunlariga ko'ra "Real" futbolchisi Luka Modrich UEFAning eng yaxshi futbolchisi deb topilgandi.
Joriy yil esa g'oliblikka da'vogar futbolchilar qatoridan Lionel Messi (Barselona, Argentina), Virjil Van Deyk (Liverpul, Gollandiya), Krishtianu Ronaldu (Yuventus, Portugaliya) o'rin olgan.
Yevropa chempionlar ligasining yangi mavsumiga 17 sentyabr kuni start beriladi. Quyida guruh bosqichi tur o'yinlari jadvalini e'tiboringizga havola etamiz.
1-tur: 17/18 sentyabr
2-tur: 1/2 oktyabr
3-tur: 22/23 oktyabr
4-tur: 5/6 noyabr
5-tur: 26/27 noyabr
6-tur: 10/11 dekabr
16 dekabr: qur'a 1/8 final
18/19/25/26 fevral: birinchi o'yinlar 1/8 final
10/11/17/18 mart: javob o'yinlari 1/8 final
20 mart: qur'a 1/4 i 1/2 final
7/8 aprel: birinchi o'yinlar 1/4 final
14/15 aprel: javob o'yinlari 1/4 final
28/29 aprel: birinchi o'yinlar 1/2 final
5/6 may: javob o'yinlari 1/2 final
30 may: final - "Otaturk Olimpiya stadioni", Istanbul
Aziz muxlislar, Siz esa izohlarda ehtimoliy guruhlarda qaysi jamoalarni ko'rishni istashingiz va o'tgan mavsum yakunlariga ko'ra UEFAning eng yaxshi futbolchisi nomiga kim ko'proq loyiqligi haqida o'z fikr va mulohazalaringizni qoldirishingiz mumkin.
