Ковач: “Хоффенхайм” ҳақли ғалабага эришди
06 окт 2019 09:05
Янгиликлар

Ковач: “Хоффенхайм” ҳақли ғалабага эришди

Бавария” бош мураббийи Нико Ковач Бундеслига 7-турида “Хоффенхайм”дан (1:2) учралган мағлубиятга изоҳ берди.

“Биз сешанба куни Лондонда намойиш этган чиройли ўйинни Мюнхенда такрорлай олмадик. Биринчи бўлимда нисбатан яхшироқ ўйнадик. Қулай имкониятлар бўлди ва улардан самарали фойдаланишимиз шарт эди. Аммо ҳал қилувчи зарба етишмади. Иккинчи бўлимда эса кутилган ўйинни намойиш эта олмадик, кўплаб хатоларга йўл қўйдик, рақибга босим ўтказа олмадик. Умуман олганда, “Хоффенхайм” уч очкони қўлга киритишга муносиб эмасди, деб айта олмаймиз”, дея Ковачнинг сўзларидан иқтибос келтирмоқда клуб матбуот хизмати.

Айни пайтда “Бавария” Бундеслигада 14 очко тўплаган ҳолда пешқадамлик қилмоқда. “Хоффенхайм” эса 8 очко билан 11-поғонага кўтарилиб олди.

Ҳавола :

Манба : "Бавария" ФК расмий сайти

Янгиликларни Телеграмда ўқинг!

Рейтинг: +1