UZ

Сўнгги янгиликлар

14:18Пауло Дибала учун курашга яна бир АПЛ клуби қўшилди  1 13:40Коэнтрау ўзига янги клуб топди  2 13:14Зидан: "Бэйл яхши ўйнади, аммо бу вазиятни ўзгартирмайди"  4 12:53Карикатура: Бэйл "Реал"ни тарк этмоқчи эмас  9 12:24"Лилль" Пепени МЮга сотмади  7 12:00"Женоа" "Реал" хавбекини трансфер қилишга яқин  2 11:57“Локомотив” Остон Ўрунов ва яна беш футболчини таништирди  38 11:23Дунёнинг энг қиммат дарвозабонлари рейтинги  22 11:19АГМК жамоасининг Осиё чемпионатида қатнашадиган якуний таркиби эълон қилинди  9 11:09Расман: "Тоттенхэм" ҳужумчиси бошқа клубга ўтди  1 10:34Гвардиола: "Бу ахмоқона тақвим ўйинчиларимизни ўлдиради"  6 10:10Olamsport: Бугун боксчиларимиз "Қирол кубоги" чорак финалида жанг қилишади ва бошқа хабарлар  0 10:03Зидан vs Бэйл. Қандай қилиб уларнинг муносабатлари бузилди?  8 09:50АПЛ ва А Серия грандларига “Монако” футболчиси керак   0 09:35Малком А Серия клуби билан келишиб олди   5

Кеча "Локомотив" фақат стартни яхши олди холос... Янгиликлар

Кеча "Локомотив" фақат стартни яхши олди холос...

Ўзбекистон чемпиони "Локомотив" клуби Осиё чемпионлар лигаси иккинчи турида "Ар Райан"га ютқазиб қўйди.

Аслида мазкур баҳсда "темирйўлчилар" ғалаба билан юртимизга қайтишлари керак эди.

Ўйинни Фёдоров шогирдлари жуда яхши бошлашди. Тезкор ва чиройли ҳужумдан кейин Диёржон Туропов ўйиндан ташқари ҳолатда бўлса ҳам гол уришга эришди. Очиғини айтиш керак кўпчилик бундай стартни кутмаганди. Хатто голдан кейин ҳам сафарда ўйнаётган "Локомотив" ташаббусга эришганини ва бир неча бор хавфли вазиятлар яратганини барчамиз гувоҳи бўлдик. Ҳужумлар хатто чиройли ҳаракатлар билан амалга оширилди. Афсуски "Локомотив" ишончли ўйинни натижада акс эттира олмади ва ғалаба қозониш керак бўлган ўйинда ютқазиб қўйди.



Дастлабки 25 дақиқада Олег Зотеев икки марта жуда ҳам қулай имкониятни кўкка совурди. Аламлиси айнан мана шу вазиятлардан кейин "Ар Райан" ҳисобни тенглаштирди. Рақиб хавфли ҳужум қилмасдан, тайм охирида Лукка Де Бритонинг кучли зарбаси ёрдамида ҳисобни тенглаштириб кетди. Иккинчи ўтказилган голда ҳам ҳимоячилар хато қилишди ва бошқа бир легионер Ривас тўп киритиб кетди.

Бемалол биринчи рақам билан, ҳужумкор ўйнаса бўладиган рақибга қарши ўйинда "Локо" қийналиб қолди. Натижадан келиб чиқиб ўйнаш режаси иш бермади. "Ар Райан"нинг энг бўш нуқтаси ҳимоя эканлигини барча кўрди. Ҳужуми эса жуда ўткир ва кучли. Сория, Табата, Қария бўлсада ижрочилари кучли. Айнан шу жиҳат "Ар Райан"нинг ғалабасида ҳал қилувчи ролни бажарди.



Тўғри ОЧЛда кучсиз жамоа бўлмайди. Аммо "Ар Райан" билан бемалол ўйнаса бўлишини "Локо" дастлабки дақиқаларда намойиш этиб берди. Қатар клубининг икки легионери Лукка ва Ривас ўйин тақдирини ҳал қила олди. "Локомотив"да эса кетма-кет учинчи ўйиндирки уч нафар легионер ўйинни захирада бошламоқда. Ҳозирча фақат Йован Жокич асосий таркибда ўйнамоқда холос. Сўнгги йилларда "Локомотив" легионер танлашда адашиб келаётгани ҳақида сайтимизда мақола ҳам чиққанди. Бу сафар Ўзбекистон чемпионатида ўйнаган ва синовдан ўтган легионерлар трансфер қилинди. Бироқ Фёдоров уларни ҳозирча фақат захирадан майдонга тушириш билан кифояланмоқда холос.

Албатта ўйиндан бир кун олдин тунда содир бўлган фавқулодда ҳолат ҳам "Локомотив" футболчиларига таъсир қилгандир дейишингиз мумкин. Агар ўйин бошиданоқ йигитлар шошилиб, кўплаб хатолар қилишганида биз ҳам шундай ўйлардик. Футболчилар кичик шок ва бедор ўтказилган тундан кейин ўзларига келиб олишмаган деган хаёлга борардик. Бироқ юқорида айтилганидек "темирйўлчилар" учрашув аввалини ажойиб ўтказишди.



Хулоса қилиб айтганда, биринчи таймнинг ўзида "Локомотив" вазиятлардан унумли фойдалана олганида ҳисоб хатто йирик кўриниш олиши мумкин эди. Аммо ҳужумчиларга совуққонлик етишмади ва умуман керак бўлмаган ўйинда очко йўқотилди. Деярли шундай ҳолат ўтган йилги мавсумда ҳам Қатарнинг "Ал Дуҳайл" клуби билан ўйинларда кузатилганди. Ўша ўйинлардан хулоса чиқарилмаганлиги кечаги баҳсда яққол кўзга ташланиб қолди.

"Локомотив" - поезд, поезд эса манзилга етиб бориши учун бир маъромда ҳаракатланиши лозим.

Муаллиф : Narzulla Saydullayev
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг