UZ

ЖЧ-2022 саралаши. Ўйинлар атрофидаги қизиқарли фактлар Янгиликлар

ЖЧ-2022 саралаши. Ўйинлар атрофидаги қизиқарли фактлар

Қитъамизда ЖЧ-2022 ва ОК-2023 саралаши давом этмоқда. Ушбу саралаш босқичида бир қатор ўйин атрофидаги қизиқарли фактлар кузатилади.

Бу ҳақда Алишер Никимбаев ўз телеграм каналида ёзиб ўтди.

Эронда 40 йил ичида илк бор аёлларга футбол учрашувига киришга рухсат берилди. Ўтган ҳафтада аёллар келган баҳсда Эрон Камбоджани 14:0 ҳисобида таслим қилди.

Ироқ терма жамоаси 8 йил ичида илк бор ўз мамлакатида ўйин ўтказди. 10 октябрь куни ироқликлар Гонконгни 2:0 ҳисобида мағлуб этишди.

Бугун ҳам қуйидаги иккита эътиборли вазият содир бўлади

1990 йилдан буён биринчи марта Жанубий Корея Шимолий Кореяда ўйнайди. Мезбонлар меҳмон давлатга телевизион трансляция қилиш ҳуқуқини беришмади. Шу боис 1984 йилдан бери илк бор Жанубий Кореянинг сафардаги ўйини ТВ орқали намойиш этилмайди.

Саудия Арабистони терма жамоаси ўз тарихида биринчи бор Фаластин ҳудудида ўйин ўтказади. Қизиғи ушбу манзилга етиб бориш учун араблар ўзлари тан олмаган давлат ҳисобланган Исроил чегарасидан ўтишди.



Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика