Италия футбол федерацияси А Серия жорий мавсумини эртароқ якунлаш бўйича 3 хил вариантни кўриб чиқмоқда

Италия футбол федерацияси (FIGC) президенти Габриэле Гравина А Сериянинг 2019/20 йилги мавсумини тезроқ тугатиш бўйича қуйидаги таклифларни берди:

- чемпион аниқланмайди, аммо еврокубокларда қатнашувчи жамоалар турнир жадвалининг айни ҳолати бўйича танлаб олинади;

- мавсумни чемпионат жадвалининг ҳозирги ҳолати бўйича якунлаш;

- чемпионлик учун курашувчи ва B Серияга тушиб кетадиган жамоалар ўртасида плей-офф баҳсларини ўтказиш.

Ушбу вариантларнинг бари 23 март куни ўтказиладиган ижроия қўмитанинг навбатдаги йиғилишида кўриб чиқилади.