Ҳ.Актамов: “Йигитларга эътирозим йўқ, аммо ҳисоб биз кутгандек бўлмади”

16 июн 2019, 08:25

Суперлига 11-туридан ўрин олган “Қизилқум” – “Сўғдиёна” (1:1) учрашувидан кейинги матбуот анжуманининг иккинчи қисмида навоийликлар бош мураббийи Ҳамиджон АКТАМОВ учрашув ҳақидаги фикрлари билан ўртоқлашди.

- Бугун биз учун омадсиз кун бўлди. Юзага келган қулай имкониятлардан ҳам фойдалана олмадик. Дарвозанинг ёнгинасидан ҳам тўп кирита олмаган вазиятларимиз бўлди. Футболчиларга алоҳида эътирозларим йўқ. Йигитлар бугун қўлдан келганча ҳаракат қилишди. Лекин футбол хатоларсиз бўлмайди. Футболчиларимиз ўзларини кўрсатишга ҳаракат қилишди. Лекин омад бугун биздан юз ўгирди, - деди Ҳамиджон Ғуломович.