UZ

Сўнгги янгиликлар

13:36Ўзбекистон терма жамоаси футболчилари Snapchat иловасининг машҳур фильтрида  1 13:27Эриксен ЧЛ финалидан сўнг "Реал" футболчиси сифатида таништирилади  2 13:14"Локомотив" - "Ал Райан" учрашувига оид маълумотлар  5 13:10Испан журналисти Неймарнинг вакиллари "Реал" билан музокаралар ўтказаётганлини маълум қилди  6 12:43Чехиялик журналист "Пахтакор"нинг ОЧЛдаги иштироки ҳақида фикр билдирди  62 12:40ОАВ: МЮ "Бенфика"нинг 19 ёшли футболчиси учун 105 миллион фунт тўлашга тайёр  5 12:28"Челси" Саррини истеъфога чиқаради ва унинг ўрнига клуб афсонасини олиб келади  12 12:08Жиру: "Арсенал"? Энди менинг қоним кўк рангда"  6 12:00Осиё чемпионлар лигасида кейинги босқичга чиққан 12та жамоа маълум  26 11:52"Атлетико" Россия терма жамоаси футболчисига қизиқмоқда  2 11:38Батистута мураббийлик қилмоқчи  3 11:31Футзал: Мамлакат чемпионатида 3-тур старт олди. Биринчи кунги натижалар  0 11:30"Шанхай СИПГ" ўйинини Азиз Асимов бошқаради  47 11:29А Про-лига 7-тур учрашувлари бошланиш вақтлари  4 11:28B Про-лига 7-тур учрашувлари бошланиш вақтлари  0

Гаттузо "Милан"га янги тактика тайёрламоқда Янгиликлар

Гаттузо "Милан"га янги тактика тайёрламоқда

"Милан" Гаттузонинг қўл остида ўша биз билган даражасига қайта оладими?

Мавсум стартига бир ҳафта қолганида кальчо журналистлари TV-канал экранларида деярли тўхтовсиз футбол дунёсининг машҳур манбааларига таянган ҳолда "қизил-қоралар"нинг ҳужумкор тактикаси-ю, ўйин чизгилари ҳақида фикр-мулоҳазалар бериб боришди. Бунга асосий сабаблардан бири, кутилмаганда Гонсало Игуаин "Сан-Сиро"га кўчиб ўтгани бўлди. Аргентиналик форварднинг Миланеллога сафари узоқ чўзилмади ва тифозига умид билан кутилган голлар ёмғирини ҳам тақдим эта олмади. Бу трансфердан на клуб, на футболчининг ўзи фойда олди ва қисқа вақтдан сўнг, уларнинг йўли айрилди.

Женнаро Гаттузо ҳужумчиниг машҳур номи туфайли ҳам уни асосий таркибга қўяверди, лекин Гонсало олдинда бир ўзи барча ишни ҳал қила олмаётганди. Аммо унга ёрдам бериш учун майдонга ташлаш мумкин бўлган футболчилар ҳам Рино қўл остида деярли йўқ эди. Баъзан ниманидир ўзгартириш мақсадида клубнинг ёш тарбияланувчиси, Примаверанинг экс-бомбардири, А Сериянинг аввалги мавсумида жамоанинг ҳужумдаги асосий қуролига айланган Кутроне ўйинга қўшилди. Қайсидир ўйинларда, масалан, "Олимпиакос" билан Европа Лигаси доирасидаги учрашувларда ва Кубокда "Сампдория"га қарши беллашувларда бу ўз самарасини берди.

Аммо Гонсало ва "Милан" шефларининг муносабати узоққа бормади ҳамда Игуаин "Стэмфорд Бридж"ни забт этиш, эски таниши Маурицио Саррининг обрўсини қутқариш учун йўл олди.

Патрик Кутроне катта-катта орзулар қилишга ва лиганинг янги юлдузларидан бири билан ҳужумдаги тақдири ҳақида хаёл сура бошлаганди. Лекин вазият ҳам, Гаттузонинг тактика борасидаги қарашлари ҳам ўзгармади. Ҳужумда Кшиштофнинг бир ўзи тушаверди. Жамоа ўйинининг умумий сурати ўзгармади ва ҳужумкор учликнинг юқори нуқтасида Пёнтек ҳаракат қилди.

Италиянинг ҳурматга лойиқ экспертларининг таъкидлашича, яқинда бўлиб ўтган Милан дербисидан сўнг, энди тактика аниқ ўзгаради. Ёдингизда бўлса, "Интер" билан ўйинда жамоа клуб престижи учун ҳам учинчи голни уришлари ва принципиал рақибга мағлуб бўлмаслик учун бор кучлари билан ҳаракат қилишди, лекин...  

Навбатдаги учрашувда Рино Гаттузо принципларини бироз ўзгартиради ва мухлисларнинг ёдидан кўтарилиб улгурган жамоанинг "4-3-1-2" ўйин схемасига қайтади.

Ишониш қийин-а? Бироқ Sky тақдим этган вариантни ўрганиб чиқсак. Икки марказий ҳимоячи, қанотларда ҳужумга фаол қўшиладиган ҳимоячилар; марказда боғловчи вазифасини бажарувчи опорник ва икки ярим ҳимоячи; плеймейкер ; икки форвард.

Охирги ўйинларда омади чопмаган ва ҳаракатлари фойдадан кўра, зиёни кўпроқ бўлиб, рақибнинг қарши ҳужумларини бошлаб берган Лукас Пакета ярим ҳимоя ва жамоанинг муҳим голлари ўртасидаги "мост" сифатида ҳаракат қилади. Пакета бунга қанчалик қодир ва қисқа вақт ичида тактикага мослашиб, жамоани ортидан эргаштира оладими ёки йўқ буни вақт кўрсатади. Лекин агар у ўзига юклатилган вазифани уддалай олса, олдинги чизиқда "Пистолеро-Кутро" жуфтлиги самарали ҳаракат қила олишига шубҳа йўқ. 

Янги лойиҳа импровизацияга кўпроқ таянади ва асосан фақат аутсайдерларга қарши ўйинда натижа келтирган содда ўйиндан фарқ қилади ва бразилияча "Футбол-арте"га яқинроқ ўйин. Бу Лукасга ҳам "Фламенго"даги давридан яхши таниш. Риода "россонери"нинг қишки трансфер ойнасидаги хариди дриблингчи ва охирги пасни етказиб берувчи футболчи сифатида ном чиқарганди. Аммо А Серияда рақиблар унга умуман вақт қолдиришмаяпти ва нисбатан "қаттиқроқ" ҳаракат қилиб имкон қолдиришмаяпти. Лекин энди у ўрганган ва ёқтирадиган тактикага ўтилмоқда ва Пакетанинг Италиядаги фаолиятининг ўзига хос янгиланиш бўлиши кутилмоқда.

Қанотларда Пакетага Хоқон ва Тьемуэ Бакайоко яқин ҳаракат қилишади. Таҳминий тактикада Пакета ортида жойлашган Лукас Билья нафақат "тозаловчи" вазифасини бажаради, балки Хоқон ва Тьемуэ Бакайокога кўмаклашади. 

Лекин агар Хоқон Чалханоглу чапда ва Бакайоко (ёки Франк Кессье) ўнгроқда марказга яқин ҳаракат қиладиган бўлса, қанот ҳимоячиларига жуда катта хажмдаги иш юклатилади ва бугунги "Милан"нинг энг кучли томонларидан бири - кучли ҳимоя чизиғида муаммолар юзага келиши мумкин. Буёғига "Милан" тенг курашлар остида кечган ўйинларда ғалаба қозониши эмас, балки ҳар қандай рақибга қарши фаворит сифатида, биринчи рақам остида ҳаракат қилиб зафар қучиши талаб қилинади. Гаттузо ва шогирдлари бунга қодирми?

Олдинда "қизил-қоралар"ни иккита "қайсар" рақиб кутиб турибди. Ва агар Марко Джампаоло "Сампдория"си ўзи ҳам очиқ футбол намойиш қилиб, рақибга ҳам ўйнаш имконини берса, мураббийини ўзгартирган "Удинезе" "Сан-Сиро"га меҳмонга келиб, "иблислар"га очиқ футбол таклиф қилиши мушкул вазифа. Шунингдек таъкидлаш лозим, бу икки жамоа кўпинча рақибга қараб ўз таркибини, тактикасини ўзгартириб туради. "Ювентус" собиқ ҳимоячиси Игор Тудор "Удине"га устоз бўлганидан хабарингиз бўлса керак. "Милан"га қарши ўйинда у натижага эришиш мақсадида уч нафар ҳимоячи ёнига яна бир футболчи қўшиб қўйса ажаб эмас. Бундан келиб чиқадики, эксперимент учун қулай фурсат етиб келди ва Рикардо Родригеса, ҳамда Конти (Калабриа)нинг вингер сифатида чидай олиш ёки олмаслигини, "Рома" билан орадаги фарқ етарли бўлган бир вақтда, Генуя ва Миланда ортиқча хавотирсиз синаб кўрса бўлади.

Родригес бундеслигада "Вольфсбург" сафида ҳаракат қилган вақтлари бундай талабни бажарган ва ҳужумга тез-тез қўшилиб турган. Андреа Конти италиян футболида айнан ажойиб кросслари ва ўнг қанотдан ёриб киришлари билан ном қозонган. Шу сабабли уни Бергамодан "Сан-Сиро"га таклиф қилишган. Гаттузо қўл остида уругвайлик Диего Лаксальт ҳам бор. Лекин Диего ҳимояда доим ҳам ишончли ўйин кўрсатмайди, бу борада клуб тарбияланувчиси Давиде Калабрияни эътироф этиш мумкин. 

Аммо баъзи ўйлантираётган факторлар мавжуд: терма жамоалардан қайтган футболчиларнинг спорт формаси, жисмоний ва руҳий ҳолати. Пёнтек ва Кутроне ҳужумдаги вазифаларни қай тарзда бўлишиб олади, ҳамда "Милан"нинг унча узун бўлмаган захира ўриндиғи.

Миллий термадан қайтадиган футболчилар борасидаги саволга жавоб беришнинг иложи бўлмасада, форвардлар масаласида фикр билдириш мумкин. Патрик рақиб ҳимоячиларига тўхтовсиз босим уюштирувчи, ҳимоячилар билан курашларга кирувчи, вазият бўлди дегунча дарвоза томон зарба берувчи ролида бўлса, Кшиштоф эса дид билан гол уриш учун қулай фурсатни пойловчи "снайпер" ролида гавдаланади. Лекин зарурият туғилса, 21 ёшли италиялик ва польшаликни ким алмаштиради? Бундай футболчи умуман йўқлиги нафақат мухлисларни ташвишга солмоқда.

Барчаси айнан шундай бўлиши аниқ эмас албатта, лекин Женнаро Гаттузонинг мураббийлик фаолиятидаги кескин бурилиш мавсумнинг айнан шу қисмида, турнир жадвалидаги ҳолат ва навбатдаги рақиблар бунга имкон берган паллада, юз бериши керак.

Ҳозирда "Милан" ўртача ҳар ўйинда 1,6 гол урмоқда ва табиийки, бу на Италиядагиларни, ва Европа топ чемпионатлари экспертларини хайратга солмаяпти. Ёзгача нималар бўлиши ҳеч биримизга аён эмас, лекин яқин трансфер ойнаси вақтида "Милан" яхши ҳужумчи сотиб олиши зарурлиги бор гап.


Нозима Зарипова таржимаси

Рейтинг: +22   

Фикрлар

+3   
28 мар 21:23:30
Bobur Abduxalilov
Milani katta oʻyinlarga qaytishini rosa kutaypman! Maqola uchun rahmat!!!
+3   
28 мар 20:53:05
Dedo_95AcMilan
OlGaaaaa MiLaaaaaaaN
+2   
28 мар 20:18:05
MUX@MM@D B@R$@
Millani ancha soginib koldik evro kubiklarda tezrok kayt шу араблардан бири миланни олса булмасмиди каердаги псжни олгунча тарихка назар солсак енг кучли 5 жамоадан бири милан
+2   
28 мар 20:17:57
MUX@MM@D B@R$@
Millani ancha soginib koldik evro kubiklarda tezrok kayt шу араблардан бири миланни олса булмасмиди каердаги псжни олгунча тарихка назар солсак енг кучли 5 жамоадан бири милан
+2   
28 мар 20:17:21
MUX@MM@D B@R$@
Millani ancha soginib koldik evro kubiklarda tezrok kayt шу араблардан бири миланни олса булмасмиди каердаги псжни олгунча тарихка назар солсак енг кучли 5 жамоадан бири милан
+2   
28 мар 19:48:15
FORWARD_9
Daavay Boos gazni Pentek
   
29 мар 11:40:51
Husniddin_Milan
Nima qilsang qil gattuzo,oldingi Milanni qaytar.
   
29 мар 10:05:19
ACMILAN
olga Milan sen Evro kuboklarga chiqishing wart
   
29 мар 08:26:34
DeGea SuPeR
Хар Бир клубни куткарувчи вазифасига уларнинг собик тарбияланувчилари чикишаётгани бугунги кунда крыша кириб булди. Сабаби уларда айтиб беришга эртаклар мавжуд. Улар шонли тарихнинг шонли фарзандларидир. Барсани Гвардиола чуккига кутарди. Реалда Зидан рекорд куйди 3 маротаба каторасига ЕЧЛни ютиб. Дешам Францияни жахон чемпиони килди. СУЛЬШЕР МЮни кайтармокда. МИЛАН хам Гаттузо Кул остида мазмунлирок куринмокда аввалги мураббийларга Караганда. Черчесов Россияни ёкотилган обрусини кайтарди ( хаттоки Капелло эплолмаганди ) Саутгейт Англияни Фаворитлар каторига кайтарди. Европага койил колмай илож йук. Ёш талантларга куркмасдан имкон беришига факат биздагина номлар катта рол уйнайди.

Афсус. Афсус. Афсус. Афсус....
   
29 мар 07:29:40
Тимурбек (А.С.Милан,Ливерпуль,Кизилкум)
Насиб болса шу йил ЕЧЛга чикамиз. Газини бос Милан
   
29 мар 04:39:10
Isroil Qosimov
Менинг уйлашимча милан энди яхши мураббийга йолчиди .
   
29 мар 04:27:27
AC MILAN 1899 KOKAND 1912
Barchaga xayrli tong juma tongi muborak kupi ketib ozi qoldi Milan muxlislariga alangali salom Milan respect
   
29 мар 01:13:55
andi
Otam rahmatli muhlislik qiladigan Milan bir paytlar yoshlar telekanalida interfutbol dasturi bolardi Hayrulla hamidov sharxlar edi men eski uyda kichkina telvizorda hontahtada sandalda o'tirib futbol ko'rardim hozir esa katta ekranda divanda beklardek yotvolib ko'ramanu o'sha paytlarga qaytgim keladi
O'tmishimni eslatuvchi klub Milan qayt seni sogingan muhlislar kutmoqda baribir Milandagilar buni o'qimaydiyu yozdim qoydimda
   
28 мар 23:57:00
Olimjon Xudaybergenov
Raxmat kattakon maqola uchun... Charchameng
   
28 мар 23:44:23
Ipone
Yaqin yillarda biz bilga rossonerlar qaytsa kk
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг