UZ

Сўнгги янгиликлар

01:07Марокаш ЖЧ-2026га даъвогар  0 00:34Фил Невилл Англия аёллар терма жамоасини бошқаради  1 00:26Зидан Бенземага ҳуштак чалмасликларини сўради  7 23:54Лассана Диарра расман “ПСЖ” аъзосига айланди  12 23:25“Бристоль Сити”га қарши баҳс Гвардиола учун бош мураббийи сифатида 500- учрашув бўлади  4 23:15“Барселона” Маскеранонинг кетаётганини тасдиқлади  10 23:00Икки футболчиси қизил олган баҳсда АГМК "Заря"га йирик ҳисобда ютқазди  11 22:04Буни кўриш шарт! "Қизил иблислар" Алексис Санчесни қандай таништирди? ВИДЕО  16 21:55"Челси"нинг икки муҳим футболчиси "Арсенал" билан ўйнамайди  6 21:45Спортчилар ижтимоий тармоқларда  7 21:31Ким Бонг Гил: "Қўшимча бўлимларда футболчиларим чарчаб қолишди"  45 21:28Анхель Ди Мария: "Месси аллақачон энг буюк футболчи эканлигини исботлашга улгурди"  45 21:19Равшан Ҳайдаров: "Бугун ҳамма яхши ҳаракат қилди"  114 21:09“Сўғдиёна” мухлислари "Пахтакор" билан ўртоқлик учрашувини кўриш учун Тошкентга боришади  3 20:59Карикатура: Юрген Клопп - Робин Гуд  17

Гап 0:5да эмас, гап иш жараёни борлигида Янгиликлар

Гап 0:5да эмас, гап иш жараёни борлигида

Кеча Иордания терма жамоаси ЖЧ-2014 салараш ўйинларининг плей-офф босқичи доирасида Уругвайга қарши майдонга тушди.
Иорданияда бўлиб ўтган баҳсда майдон эгалари 0:5 ҳисобида ютқазиб қўйишди. Аввало учрашувни тўғридан тўғри эфирга узатгани учун “Спорт” телеканали ижодкорларига миннатдорчилик билдириб қоламиз.

Ўйинни кўпчилик кўрган бўлса керак, барибир Уругвайдек жаҳон даражасидаги терма жамоада маҳорат ва тажриба анча юқори эканлиги яққол кўзга ташланди. Ўйиндан кейин мезбонлар устози Ҳоссам Ҳассан айтганидек, Иордания бундай жамоадан кўп нарсани ўрганса арзийди. Нафақат, Иордания, балки Осиёнинг барча жамоалари учун Уругвай намойиш этаётган футбол қўлланма (дастур) вазифасини ўта бера олади.

Учрашувдан олдинги матбуот анжуманида Ҳоссам Ҳассан “Мен Уругвай тугул, ҳатто Бразилиядан ҳам қўрқмайман” деганди. Албатта, бу билан мураббий шогирдларини руҳлантирмоқчи бўлган, холос. Аслида Уругвайнинг ўта жидлий рақиб эканлигини у ҳам билган. Мураббийнинг гапларига монанд футболчилар қўлдан келганча ҳаракат қилишди. Дарвозага зарба бериш борасида Иорданиянинг ҳам кўрсаткичлари жойида бўлди, лекин Уругвай термаси сафида яримта имкониятдан ҳам фойдаланадиган ўйинчиларнинг кўплиги барибир ўз сўзини айтди.

Мураббий тўғри гапирди, Иорданиянинг аксарият ўйинчилари бундай жиддий рақибга қарши биринчи бор тўп суришди. Аслини олганда, Уругвай термасида ўша Кавани, Суарес, Лугано, Перрейра, Форлан каби футболчилар ҳар ҳафта ҳеч бўлмаса битта кучли ўйин ўтказишади. Улар терма жамоага келганда ҳам доим кучлилар билан тўп суришади.

Энди “Агар Иордания ўрнида биз бўлганимизда 0:5 ҳисобида мағлуб бўлармидик?” каби саволларни беришдан фойда йўқ. Гап шундаки, Иордания биздан ўтди ва Уругвай билан иккита ўйин ўтказиш имкониятига эга бўлди. Гап бу ерда уларнинг 0:5 ҳисобида енгилганида эмас, балки Иордания терма жамоасида иш жараёнининг давом этаётганлигида. Тўғри, футболда натижа муҳим, аммо ривожланиш учун тайинли иш жараёнига эга бўлиш ва ўша жараён асосида иш олиб бориш бундан ҳам муҳим.

Иордания биринчи ўйиндан кейиноқ жаҳон чемпионати йўлланмасидан маҳрум бўлгандир, лекин бунинг учун уларни айбламаслик керак. Ахир уларнинг ривожланиш учун ҳаракат қилаётгани кўриниб турибди. Мисрлик мураббий Ҳоссам Ҳассан ҳам терма жамоани юқори поғоналарга кўтариш учун астойдил меҳнат қилмоқда. Футболда энг муҳими эса айнан шулар ҳисобланади.

Афсуски, бизда муайян иш жараёни борлиги кўзга ташланмаяпти. Йўқса, август ва октябрь ойиларида албатта халқаро даражадаги ўртоқлик учрашувлари ўтказилган бўларди. Ҳар қандай терма жамоа учун биринчи галдаги иш жараёни ўртоқлик ўйинлари ва йиғинлар ташкил этиб бериш ҳисобланади. Биз келаси жаҳон чемпионатларига чиқамизми-йўқми, нима бўлишидан қатъий назар, режали иш дастурига эга бўлмас эканмиз, мухлисларнинг тинмай танқид қилиши давом этаверади.

Ҳақиқий ёзувчи ўз асарини Нобель мукофоти олиш учун ёзмайди, балки китобхон қалбидан жой олиш, халққа маънавий эзгулик тарқатиш учун қалам тебратади. Чунки ёзувчининг минглаб китобхонлар қалбидан жой олиши учун Нобель билан тақдирланиши шарт эмас. Футболда ҳам худди шундай бўлиши керак. Миллий терма жамоамиз жаҳон чемпионатига чиқа олмаган тақдирда ҳам, ўзининг ривожланиш дастурига ва тўхтаб қолмайдиган иш жараёнига эга бўлсин, мухлисларга шунинг ўзиёқ озуқа вазифасини ўтайверади.

Хайрулла Холиқов.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Испания. "Реал" "Депортиво"ни шарманда қилди Испания. "Реал" "Депортиво"ни шарманда қилди
Испания чемпионатининг 20-турида "Реал" ўз майдонида...  291
Ла Лига. “Барселона” меҳмонда йирик ҳисобда ғалаба қозонди Ла Лига. “Барселона” меҳмонда йирик ҳисобда ғалаба қозонди
Каталонияликлар “Бетис” майдонида йирик ҳисобдаги ғалабага эришди.   202
"Роналду тарихдаги энг зўри эмас" "Роналду тарихдаги энг зўри эмас"
Аргентиналик афсонавий футболчи Диего Марадона "Реал"...  113
Футбол юлдузларининг имзоларини кўрганмисиз? (+ФОТО) Футбол юлдузларининг имзоларини кўрганмисиз? (+ФОТО)
YouTube тармоғидаги Khalid10 канали 26 нафар дунё футболи...  107
������.�������

CA ни Facebook да ўқиш
учун "Yoqdi"ни босинг