UZ

Сўнгги янгиликлар

09:50Россия ТЖ ярим ҳимоячиси: “ОФКга ўтганимиз маъқул”  0 09:35Бугун бўлиб ўтадиган эътиборга молик ўртоқлик ўйинлари  0 09:20Ўртоқлик ўйинлари. “Ньюкасл Юнайтед” “Ал Ҳилол”ни тор-мор этди, “Арсенал” “Лион”ни аяб ўтирмади, “Астон Вилла”да жанговар дуранг, Шукуров қатнашган баҳсда жамоаси ғалаба қозонди  0 09:05ЖЧ-2022. Нидерландияга қарши баҳс олдидан Аргентина ТЖнинг 2 асосий футболчиси сафга қайтди  2 08:50Роналду: “Ташқи кучлар Португалияни синдира олмайди”  6 08:35Тайсон Фьюри: “Руни билан спарринг тушамиз деган умиддаман”  0 08:20Анчелотти: “Роналду ва Ибрагимовичнинг даври ўтмоқда, Месси ҳамда Бензема эса …”  2 08:05Фред: “Мессининг кўз ёшларини кўрмоқчиман”  16 07:45⚡️ ЖЧ-2022. Бугун старт оладиган чорак финал тақвими билан танишинг  7 00:50Луис Энрике: "Ғояларимга ишонганлари учун футболчиларимга раҳмат"  11 00:20ПСЖ президенти Мессининг клубда қолишига шубҳа қилмаяпти  0 23:55Патрис Эвра: "Франция Англияни янчиб ташлайди"  7 23:33"Насаф" клуби йиғинларни бошлади  11 23:10Магуайр МЮдаги омадсиз мавсуми ҳақида: "Фақатгина Месси ва Роналдунинг фаолиятида пасайишлар бўлмаган"  5 22:46Анчелотти Марадонани Мессидан юқорироқ қўйди  43

Футзал. Сарвар Шоахмедов: “Терма жамоа сафида кучли ҳаяжонни ҳис қилдим” Янгиликлар

Футзал. Сарвар Шоахмедов: “Терма жамоа сафида кучли ҳаяжонни ҳис қилдим”

Яқиндагина футзал бўйича Ўзбекистон терма жамоаси Дубайда БАА терма жамоаси билан иккита ўртоқлик учрашуви ўтказиб қайтди.
Ана шу ўйинлар ва йиғинда бир қатор янги ўйинчилар ҳам иштирок этишди. Улардан бири “Локомотив” жамоаси аъзоси Сарвар Шоахмедов. Бошланган мавсумнинг биринчи турида энг яхши ўйинчи деб топилган Сарвар Шоахмедов профессионал футзалдаги фаолиятининг иккинчи ойидаёқ терма жамоа йиғинига чақирилди. Шу муносабат билан футзалчини офисимизга таклиф этдик.

- Футзалга қандай кириб келгансиз?
- Ёшлигимиздан укам (Санжар Шоахмедов, “Олмалиқ” ярим ҳимоячиси) билан Чиғатойда шуғулланганмиз. Укам 1990 йилда туғилганлар билан, мен 1988 йиллар таркибида машғулотларда қатнашганмиз. Укам яхши томонлама ўзини кўрсатишга ҳаракат қилди ва Геннадий Денисов уни “Олмалиқ” жамоасига олиб кетди.

Ўзим 15-16 ёшгача шуғулланиб, кейин ўқиш учун Англияга кетдим. У ерда 5 йил бўлдим, шундан дастлабки йиллари фақат ўқиш билан банд бўлган бўлсам, охирги икки йилда ҳам ўқиш, ҳам футбол билан шуғулландим. Англияда ҳаваскор жамоада ўйнаб юрдим, кейин ярим йилча “Саттон Юнайтед” клубида ўйнадим. Бу жамоа ярим ҳаваскор, ярим профессионал клуб.



Тошкентга келгач Ўзбекистон Давлат Жаҳон Тиллари Университетига ўқишга кирдим, шу билан бирга собиқ “Ўрикзор” ҳозирги “Хасково” ҳаваскорлар жамоасида ўйнаб юрдим. Кейин яна ярим йил “Ҳамкор” футзал жамоасида ўйнадим. Шундан сўнг, Фарҳод ака Мирахмедов ва Аҳад ака Юсуповлар “Локомотив”га чақиришди. Ўшанда Ассоциация кубоги бошланишига ўн кунча вақт қолган эди. Рози бўлдим ва клуб машғулотларида қатнаша бошладим. Мени “заявка”га киритишди. Жамоа билан икки йиллик шартнома имзоладим.

- Миллий терма жамоага чақирилганингиз ҳақида нима дея оласиз?
- Мураббийлар Ассоциация кубоги ҳамда чемпионат биринчи туридаги ўйинларимни кузатишибди ва мени йиғинга таклиф қилишди. Ушбу йиғинга бир қатор янги номлар жалб қилинди, лекин йиғинга чақирилди дегани терма жамоада ўйнаб кета олади дегани эмас. Терма жамоа сафида майдонга тушаётганингизда жуда кучли ҳаяжон бўларкан, босим ҳам юқори, талаб ҳам. Ҳаммасини вақт кўрсатади.

- Катта ва мини футболнинг фарқи катта, бу сизга ноқулайлик туғдирмаяптими?
- Футбол ва футзал бошқача спорт турлари, тактикалар, ўйин чизмалари, услублар умуман бошқача. Паркетга тушгандан кейин мураббий ва тажрибали ўйинчиларнинг тавсиялари билан ҳаракат қиламиз. Футзалга тўлиқ кўникиб кетишим учун камида 1 йил вақт керак.

- Отангиз ҳам футболчи бўлган эканлар...
- Ҳа, отам ҳам футболчи бўлганлар. Бизни футболга кириб келишимизга ҳам отам сабабчилар. Отам Баҳодир ака Шоахмедов Виктор Жалилов билан бирга “Пахтакор” ўринбосарлари таркибида ўйнашган, кейинчалик айрим сабабларга кўра футболни ташлаганлар.

Мен билан укамни отам Чиғатойга олиб бориб Евгений Николаевич Казаковни қўлларига топширганлар, отам ва Евгений Николаевич бизни устозларимиз. Мен рахматли Александр Шадрин билан бирга шуғулланганман.



- Қисқа вақт “Саттон Юнайтед” клуби таркибида ўйнадим дедингиз. Англиянинг олтинчи даражадаги лигасида ҳаракат қилувчи ушбу жамоа 1898 йилда ташкил топган экан. Англиянинг даража жиҳатидан олтинчи лигасида футбол қандай шаклланган?
- Эътибор жуда юқори, ҳар ўйиндан олдин махсус “програмка”лар чиқарилади. Ҳафтада уч марта машғулот, дам олиш кунлари ўйин бўларди. “Саттон Юнайтед”нинг машғулот ўтказиш учун алоҳида, расмий ўйинларни ўтказиш учун алоҳида стадиони бор. Ҳар бир учрашувга камида 3-4 минг мухлис ташриф буюради.

- Ушбу лига ўйинларига матбуотнинг эътибори қандай?
- Ўйинлар махаллий газеталарда ёритилади, бундан ташқари, клубнинг расмий сайти ҳам бор. Расмий ўйинлар унча йирик бўлмаган телеканаллар орқали тўғридан-тўғри бўлмасада, лекин трансляция қилинади.

Уларда асосий талаб спортчининг жисмоний ҳолатига қаратилади. Машғулотларда ҳам асосан югуртиради, югуришдан ўтсангиз қолганини тортиб кета оласиз. Машғулотларда тўп билан муомала қилишни деярли кузатмайсиз.

Толибжон Қосимов суҳбатлашди
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика