Фил Жонс: “Менинг “Юнайтед”даги фаолиятим”

Менинг дебютим (Англия Суперкубогидаги “Сити”га қарши ўйин) - “Буюк пайт. Бу мени “Юнайтед” сафида ютган биринчи совриним эди. Мен ва менинг барча оила аъзоларим учун бу кун ажойиб хурсандчилик куни бўлган”.

Менинг биринчи голим (“Астон Вилла”га қарши ўйинда) - “Менда голли вазиятлар кўп бўлган, лекин бу кун мутлақо бошқача. Менинг ота-онам ўша куни “Вилла Парк”да эдилар ва улар менинг муваффақиятларимга гувоҳ бўлишган”.

Роналдуга қарши туриш - “Бу жуда қизиқарли ва шу билан бирга қийин бўлганди. Роналду  буюк ўйинчи, лекин ўша куни мен ҳеч кимни ўзимдан озгина бўлса ҳам ўтказиб юбормаслик мақсадини қўйгандим”.

Манчестер дербисидаги гол – “Мен мухлисларни ва шерикларимни хурсандчилигини кўриб ақлдан озаётгандим. Бу гол охирида мени номимга ёзилмади, лекин мен ҳалиям унинг муаллифлиги менга тегишли деб ҳисоблайман”.

Чемпионлик намойиши – “Болалигимдан лигада чемпион бўлишни орзу қилардим. Бу кун менинг фаолиятимдаги энг ёрқин пайт, бу ўзига ҳос ғурурдир”.

Жавлонбек Юсупов