UZ

Сўнгги янгиликлар

19:40“Реал” “Вальядолид”га қарши футболчилар қайдномасини эълон қилди  1 19:25“Ростов” собиқ устози: “Шомуродовга Европадаги фаолиятини бошлаши учун Италия жуда мос келади”  10 19:00Ўзбек футболи афсонаси Миржалол Қосимовнинг дастхати туширилган оригинал футбол тўпини ютиб олишни истайсизми?  7 18:56Анвар Бердиев: "Бор футболчилар билан мавсумни давом эттирамиз" ёхуд "Истиқлол" жамоаси қайтадан тикланмоқда  7 18:48Карикатура: АПЛнинг кутилмаган етакчилари  9 18:25Мендеш ёзги трансферлар ойнасида 20 млн евро атрофида ишлаб олди  8 18:05Осиёнинг машҳур журналистларидан бири "Пахтакор" - "Персеполис" учрашувидан нима кутаётганини маълум қилди  24 17:51"Рома" - Йович учун курашда фаворит. "Реал"да "Интер" ва "Милан"дан таклифлар бор  7 17:35Хушнудбек Авилов: “Марказий ҳимоя чизиғи мен учун бегона эмас”  3 17:33"Ростов" Шомуродовни бонуслар билан бирга 9 млн евро эвазига сотишга рози бўлди  70 17:30Фарғонада ҳуқуқни муҳофаза қилиш органлари ходимлари ўртасида футбол мусобақаси ўтказилди  0 17:21Рубен Диаш "Сити"га трансферни якунлаш учун Манчестерга учиб келди  2 17:00Olamsport: Конорга қарши кескин фикр, "Конор - Пакьяо жанги ҳақиқатга яқинми?" ва бошқа хабарлар  0 16:48Карикатура: "Ливерпуль" "Арсенал"ни мағлуб этди  5 16:41Етти йил аввалги Гарет Бэйл қайтади-ми?  2

Фарҳод Магометов: "Ачинарлиси, айрим клубларимиз ҳали ҳам лицензиялаш нима эканлигини тушуниб етишмаяпти" Янгиликлар

Фарҳод Магометов: "Ачинарлиси, айрим клубларимиз ҳали ҳам лицензиялаш нима эканлигини тушуниб етишмаяпти"

2014 йил ПФЛ олий лига клубларига янада қаттиқроқ талаблар қўймоқчи. Бу ҳақда ПФЛ директори Фарҳод Магометов қуйидагиларни айтиб ўтди.
"Аксарият клубларимизда соҳанинг малакали, ўз ишини биладиган кадрлари етишмаяпти. Битта одам бир нечта мутахассиснинг ишини бажаряпти. Бундай бўлиши мумкинми? Ваҳоланки, ўзининг ишини эплай олмайди. Шу пайтгача клубларга ён босиб, вазият ўзгариб қолар, деб илтифот кўрсатиб келдик. Бу ёғига энди шафқат йўқ. Бу ерда клуб раҳбарлари ҳам ўтиришибди. Ўз клубларингизнинг моддий техник базасини яхшиламас экансиз, ПФЛ томонидан жиддий чоралар қўлланилади. Катта миқдордаги жарималар солинади, очколар олиб қўйилади ва хатто чемпионатдан ҳам четлатилади. Мен сизларга бу нарсани кафолат бераман. Сизларнинг айбингиз билан ОЧЛдаги ўринларимиз йилдан-йилга камайиб кетяпти. Тўғридан-тўғри гуруҳ босқичида тўртта клуб билан ҳам иштирок этгандик. Бу йил бор-йўғи битта жамоамизга гуруҳдан жой ажратилди. қолган иккита клубимиз «плей-офф»да қатнашишади. Бу 50га 50 дегани. Мабодо, «Насаф» ва «Локомотив» гуруҳ босқичига чиқа олишмаса, бу футболимиз учун каттагина минус бўлади. Ачинарлиси, айрим клубларимиз ҳали ҳам лицензиялаш нима эканлигини тушуниб етишмаяпти. Тушуниш учун футболни биладиган кадрлар керак. Клубларимизда маркетинг бўлими умуман ишламаяпти. Маркетнинг ўзи нима эканлигини билмайдиган клублар ҳам бор", - дейди Фарҳод Магометов.

"Тушунамиз, кимгадир яхши ҳомий бириктирилган, айрим клубларимизнинг ҳомийлари ўртача. Лекин имкон қадар сизларга ёрдам беришга ҳаракат қиляпмиз. Сизлар ҳам ким бизга ёрдам берар экан, деб қараб турманглар-да! Озгина бўлса-да, ўзингизни ўзингиз таъминлашга ҳаракат қилиб кўринглар. Маркетингни кучайтиринглар. «Бухоро» клубининг бир футболчидан 4 йил олдинги қарзи ҳам бор эди. Олти очко олиб ташлаймиз, дегандик, дарров қарзини узди. Демак, пул бор экан-ку! ПФЛ аввалги қарздорликларни унутиб юборади, деб ўйласангиз, қаттиқ янглишасиз. Ҳаммаси назорат остида турибди. Клублар раҳбарларига яна бир талабим - футболчилар билан шартнома имзолаётганда ҳужжатлаштириш жараёнига жиддий эътибор қаратинг. Бўш қоғозга қўл қўйдириб олиб, у ерга ўзингиз истаган суммани ёзиш ҳолатларини бошқа кўрмайлик. Шундай ҳолатлар рўй бергани учун сизларни сўнгги бор огоҳлантираман. ПФЛда рўйхатдан ўтказилмаган ва бизнинг муҳр бўлмаган ҳар қандай ҳужжат ноқонуний деб топилади. Бу эса қонунга кўра жавобгарликка тортилади. Қандай жавобгарлик эканлигини айтишим шарт бўлмаса керак. Бунинг учун малакали юристларни ишга олинглар. Биз қайси жамоанинг нима билан шуғулланаётганини жуда яхши биламиз. Шундай экан, қадамингизни ўйлаб ташланг", - деб ўз фикрларини билдирди ПФЛ раҳбари.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика