UZ

Фарғонада 2007 йилда туғилган болалар ўртасида “Спорт мактаблари футбол лигаси” мусобақаси бўлиб ўтди Янгиликлар

Фарғонада 2007 йилда туғилган болалар ўртасида “Спорт мактаблари футбол лигаси” мусобақаси бўлиб ўтди

23-30 июнь кунлари болалар ўсмирлар спорт мактаблари ва ихтисослаштирилган болалар ўсмирлар спорт мактаблари шуғулланувчилари ўртасида “Спорт мактаблари футбол лигаси” мусобақаси бўлиб ўтди.

Вилоятда футболни оммавийлигини янада ошириш, ёшларни спортнинг футбол турига жалб этиш, ёш футболчиларни маҳоратларини оширишга кўмаклашиш ҳамда Ўзбекистон Республикаси Президентининг 2019 йил 4 декабрдаги ПФ-5887-сонли “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги Фармонини ижросини таъминлаш мақсадида жорий йилнинг 23-30 июнь кунлари болалар ўсмирлар спорт мактаблари ва ихтисослаштирилган болалар ўсмирлар спорт мактаблари шуғулланувчилари ўртасида “Спорт мактаблари футбол лигаси” мусобақаси бўлиб ўтди.

2007 йилда туғилган ёшлар ўртасидаги мазкур баҳсларда 18 та жамоа 4 та гуруҳга бўлинган ҳолда ғолиблик учун кураш олиб бордилар. Барча рақибларини мағлубиятга учратган Марғилон шаҳрининг 2-болалар ўсмирлар спорт мактаби тарбияланувчилари 1-ўринни эгалладилар. 360 нафар иштирокчи қатнашган мазкур мусобақада 2-ўринни Марғилон шаҳрининг яна бир жамоаси – 1-БЎСМ футболчилари эгаллаган бўлишса, 3-ўринлар Бешариқ тумани БЎСМ ва Фарғона шаҳар ИБЎСМ жамоаларига насиб қилди.

Энди 1-8 июль кунлари мусобақанинг 2006 йилда туғилган ёшлар ўртасидаги баҳслар давом эттиради.

Эътиборлиси, ушбу анъанавий мусобақа Республикамизнинг фақатгина Фарғона вилоятида ўтказилмоқда. Чунки бу вилоят ҳозирги кунда “яшил” ҳудуд деб эътироф этилмоқда. Бундан ташқари вилоят футбол ассоциацияси жамоаси ушбу имкониятдан тўлиқ фойдаланган ҳолда вилоят Санитария эпидемиология осойишталик маркази билан ҳамкорликда тасдиқланган санитария қоидалари ва талабларига асосан режадаги мусобақаларни ўтказишмоқда. Ўйинларнинг финал босқичлари вилоят “Футбол маркази” майдонларида ташкил этилиши белгиланган.


Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика